Category: Ідэль-Урал

Прыняты нядаўна ва Украіне закон аб забароне выканання расійскай музыкі ў грамадскіх месцах і медыя выглядае вельмі характэрна. Размова не ідзе аб забароне рускамоўных песень, якія могуць складаць і ўкраінскія аўтары – абмяжоўваюцца толькі творы, напісаныя грамадзянамі Расіі пасля 1991 года. Гэта значыць, тут назіраецца не «ўшчамленне рускай культуры», у якім крамлёўская прапаганда рэгулярна абвінавачвае Украіну і іншыя краіны, але музычную творчасць, створаную менавіта ў «постсавецкай Расіі». А расійская поп-музыка гэтага перыяду даволі яскрава адлюстравала спецыфіку дзяржавы разам з бандыцкім «шансонам» і найноўшымі імперскімі гімнамі. Украіна, якая жадае абараніць ад іх сваю культурную прастору, фактычна прыняла пострасійскі закон. Пра гэта ў сваёй калонцы на «Радыё Свабода» распавёў расійскі публіцыст, філосаф і паэт Вадзім Штэпа.

60 чалавек, якія абвясцілі галадоўку ў калоніі Дзімітраўграда ў падтрымку ўраджэнцаў Паўночнага Каўказа, якіх збівалі і прыніжалі, спынілі пратэсную акцыю, страціўшы надзею дамагчыся вынікаў.

Жонка прэзідэнта Татарстана Рустама Мініханава Гульсіна ў 2021 годзе зарабіла амаль у 20 разоў больш за свайго мужа.

Меркаванне эксперта Славацкай асацыяцыі знешняй палітыкі Юрая Месіка для «Еўрапейскай праўды».

Башкартастан імкліва губляе насельніцтва і пагаршаюцца адразу два паказнікі – нараджальнасць і смяротнасць, піша выданне News 102, спасылаючыся на дадзеныя Расстата.

Рэспубліка Татарстан. У Казані сёння раніцай пачалася новая хваля вобшукаў. Сайт «Idel.Рэаліі», Telegram-каналы “Вецер” і “Рэспублікасы” паведамляюць пра ператрусы ў студэнта КФУ Аляксея Ворахава, актывістак Гузель Касімавай і Аіды Нурудзінавай, аспіранта Філіпа Краснавіда.

У Казані знойдзена цела былога намесніка міністра ўнутраных спраў па Рэспубліцы Татарстан Андрэя Вазанава.

Пра гэта паведамляе расейскі марыянетачны сайт “БІЗНЭС Online”, са спасылкай на крыніцу ў сілавых структурах. Вазанаў некалькі дзён не выходзіў на сувязь, і сваякі забілі трывогу. Цела чэкіста, генерал-маёра юстыцыі было знойдзена ў яго кватэры. Прычына смерці зараз высвятляецца, крыніцы яе не называюць.

У той час, як башкірская марыянетка Масквы Радый Хабіраў заключала «стратэгічныя дамовы аб партнёрстве з ДНР», – Лондан адным ударам адправіў у накдаўн «Башнафта» і «Газпрам Нафтахім Салават».

ФСБ усё больш актыўна падключае кішэнныя муфтыяты для апраўдання расейскай агрэсіі супраць Украіны. У Башкартастане ўлады правялі вялікі мітынг-канцэрт «у падтрымку спецаперацыі ва Ўкраіне».

Ўварванне Ўзброеных сіл Расейскай Федэрацыі яшчэ не прывяло да параду незалежнасці маскоўскіх калоній, але ўжо стала магутным каталізатарам палітычнай думкі паняволеных народаў. Ўсё больш нацыянальных лідэраў і грамадзянскіх актывістаў задаюцца пытаннем аб будучыні сваёй нацыі і сваёй рэспубліцы. Ніжэй публікуем артыкул Башкірскага нацыянальнага палітычнага цэнтра, ў якім башкіры фармулююць чатыры ключавыя пазіцыі па ўварванні Расеі ва Ўкраіну.

Масква працягвае дасылаць на вайну ва Ўкраіну прадстаўнікоў нацыянальных рэспублік і карэнных народаў Расейскай Федэрацыі: на гэта звяртаюць увагу эксперты ўсяго свету. 

Ва Ўкраіну працягваюць прыбываць добраахвотнікі з усяго свету для ўдзелу ва ўзброеным супраціве рускім акупантам. Сярод добраахвотнікаў – прадстаўнікі паняволеных Масквой народаў, у прыватнасці і эрзянскія байцы (эрзя – адзін з найбольшых па колькасці фіна-вугорскіх народаў Расійскай Федэрацыі).

Палітычная і сацыяльна-эканамічная сітуацыя ў Расійскай Федэрацыі імкліва пагаршаецца. Беспрэцэдэнтныя санкцыі, якія закранулі не толькі расійскае кіраўніцтва, але і бізнес, нанеслі істотную шкоду расійскай эканоміцы. Расце незадаволенасць і ў самых багатых суб’ектах федэрацыі, у прыватнасці, у Татарстане, які вядомы на ўсю Расію сваім імкненнем зберагчы суверэнітэт і татарскую ідэнтычнасць.

Расійскія войскі не змаглі захапіць Харкаў, Чарнігаў, Сумы, Палтаву, Кіеў і іншыя буйныя ўкраінскія гарады. Яны панеслі вялікія страты і не замацаваліся ў гарадах, перайшлі на ракетныя абстрэлы жылых кварталаў і бамбёжкі грамадзянскай інфраструктуры. Масква ставіла на знішчэнне максімальнай колькасці мірнага насельніцтва, каб дэмаралізаваць праціўніка.