Targočistě, ožokovoń 18-ce čistěnt́, Kevoš kunškaso, «Oläčiv Rav-Uraloń aktivistně jutavst́ Хәтер көне (tataroń keĺsě «Lectämo či») – tradicijań kuvalt miting –rekviem, kona uĺneś altaź Kazań ošoń idicätneneń, konat uĺnest́ čavoź Ivan Groznoeń ušmanvienzě karšo türemasont́, 1552-ce iestěnt́. 

Inäzoroś ěräzasto terdinze ěrzätneń tiriń keleń tevsputomanteń avoĺ ansäk kudojutkova, dy lomańjutkova kortamotneskak, baška, socialeń altymatnesějak.

Med́kovoń 28-ce čistěnt́ Saran ošso lotkaś vačkoeme Aleksandr Tikšajkiněń sedeezě. Kuloś ěrzäń sörmadeeś dy žurnalistěś, vejkeś Atäń Ězems sovicätnede, Kojsodyeś.

Aštemkovoń 30-ce čistěnt́, Kevošso jutaś od ěrzäń žurnaloń prezentacija. Son uĺneś anokstaź dy noldaź Rossijań Federacijasto ěmmigrantněsě onlajn režimsěnt́. Sodams bažicätne kevkstnest́ žurnaloń teicätneń važodemadost.

Inäzoroś javolävtś vasence ěrzäń lomańkuro-politikań žurnaloń prezentacijadont́.

Koda sodatano, tedide, Ěstěń Mastorso anokstast́ jutavtomo VIII-ce Vesemastoroń finno-ugrań Kongressěnt́. Pandemijaś ězize makso sonzě jutavtoms dy «Fenno-Ugrija» lomańkuront́ topavtoma direktoroś, Kadi Raudelajnen javolävtś Kongressěń jutavtomadont́ 2021-ce iestěnt́. Ansäk tečis apak vitne kevkstemaś ěrzäń delegacijań Kongressěv molemadont́.

Sükońčistě, 12 aštemkovoń čistěnt́, uĺneś jutavtoź Atäń Ězemeń promksoś, omboceś te iestěnt́. Kojsodyjtne kemekstast́ znäryja meĺssamot, konat poladyt́ erzä raśkeń ajgemań institucializacijanzo. 

Baškirtněń, burättněń, ěrzätneń, kalmyktněń dy tatartněń raśkeajgematne pškadst́ Ěstěń mastoroń parlamentěnteń. Pškademasont́ javolävtoź assimiläcijań politikant́ vievgadomadont́, aktivistněń dy raśkeajgematneń karšo repressijatneń kelejgavtomadont́.

Idems dy vanstams ěś kelent́, kuĺturant́, kojtneń, lisni ansäk set́ raśketneń konat purnaź vejs nacionaleń idejasont́, konasont́ ěŕva lomaneś lovi ěś pränt́ raśkeń peĺkskeks. Ušosont́ XXІ-ce pinge, teči avoĺ ansäk undoks raśketneń, natoj bueń sülmavkstněń, dy baška bujtneńgak ulit́ ěś kočkavt kurost, konatat raśkeń peĺde kortyt́ dy vitnit́ globaleń dy lokaleń problematneń.

Tedideń čadykovstont́ Inäzoroń Sekretariatozo noldyze odkstoź sajtont́ www.inyazoro.info, son valdovty ěrzäraśkeń ajgemań tevtneń kavto keĺsě – ěrzäń dy anglań. Kavto targot važodemadont́ mejle minenek pačkodst́ znäryja lembe sörmat ěrzätneń peĺde, konatnesě avoĺ ansäk nežedema valt. Syndest baška toso penäcämot, mejś arast́ parste teeź inealtymań-resurst, konat lezdyt́ ěrzäń keleń tonavtnemanteń, valoń anokstavksont́ (zapasont́) peštämonteń.

Ěrzätne, Rossijań Federacijań vejkeś sehtej pokšněde fino-ugrań raśkeś, kemekstyź ěś raśkeń kočkavt  kuroń teemado dy važodemado Kojluvont́. Istämo meĺs, vasence panžikovoń čistěnt́, saś Atäń Ězemeś.

«Yehy Vaya» Serž Bulatoń moroś (angl. Serge Bulat), vejsěń proektso sodaviks Oyme (Ojme) — ěrzäń dy mokšoń keĺsě moramokužoń marto karmast́ Amerikań sodaviks IMA premijań nominantoks Independent Music Awards — «Baška ašticä muzykaĺnoj premijaś». Nominacijaś — kištemań ělektronikaś (angl. Dance/Electronica).

Teči, 16-ce čadykovoń čistěnt́, vese mastortněva teškstyt́ Ěrzäń keleń čint́. Čiś uĺneś jurovtoź 1993-ce iestě A.P. Räbov lemsě Ěrzäń keleń idema pargosont́.

2020 ień jakšamkovoś dy davolkovoś uĺnest́ peškse finněń-ugrań literaturań od noldavksdo, saemga Mordovijaso. Ne knigatneneń javst́ meĺ avoĺ ansäk kudova lovnycät, specialisttkak. Noldavks knigatne kepetetst́ interes avoĺ ansäk sörmadomaneń, istorijaneńdäk, nama sodatano: literaturaś dy istorijaś sval sülmaź vejkest́-vejkest marto.

COVID-19 ormant́, konań kandy SARS-CoV-2 koronavirusoś, kordontně a kirdit́. Oficiaĺnoj informacijant́ kuvalt, ějzürkovoń 19 –ce čistěnt́ Rossijań Federacijasont́ te infekcijant́ marto uĺnest́ 200 lomant́, dy synst znäroksteś kasy sede tov.