Ěrzätne purnyt‌ Ěrzän‌ Promks

Ěrzät!

Meel‌ce škas‌ stävty odt dy pštilgavty umon‌ karmavtomatnen‌ — terdematnen‌, konatnen‌ marto teči ěšksevi minek ras‌kes‌. Jutksost sehtej pokštně – minek ras‌kenek Moskovont‌ nel‌gsema tortinges jovkstamos‌, rossijan‌ kirdivijsěnt‌ ěrzän‌ kočkavicä kurotnen‌ klonon‌ tejnematne, ěrzä ras‌ken‌ simvolikan‌ kardamotne, repressijatnen‌ vievgavtomas‌, Ěrzä Mastorsont‌, koda lija jonkstněsějak, ruzyjavtomas‌.

Net‌ uslojtnesě Ěrzä Ras‌ken‌ Promksos‌, a terdevi.

Seks, mel‌sě kirdez‌ FSB-nt‌ dy policijant‌ pel‌de ěrzän‌ aktivistněn‌ langs lepštämotnen‌, koda ul‌nes‌ meel‌ce Ras‌ken‌ Ozksont‌ jutavtomsto, sodaz‌ ěrzän‌ diasporant‌ kasomado koda Ěrzän‌ Mastoront‌ tombale, istä RF-nt‌ tombalejak, Inäzoros‌, Atän‌ Ězement‌ marto vejsě, ěrzä ras‌ken‌ ajgemant‌ pel‌de, javolävtyt‌:

1. 2022 ień taštamkovoń 29-ce – ožokovoń 1-ce čitnestě Ěstěń Mastorso jutavtovi Ěrzäń Promks.
2. Promkson‌ arsemas-kortamos livtevit‌ kevkstematne ras‌ken‌ ajgemant‌ tökšmel‌tnede — karmavtomatnede, topavtoma kitnede-luvtněde, karmi maksoz‌ onkstamo pitne rossijan‌ veticäkuronten‌, koda Ukrainaso baška ušmooperacijant‌ kuvalma, istä RF-nt‌ potso moskovon‌ ras‌kejutkon‌ politikanzo koräskak.
3. Promksontten‌ terdevit‌-molevit‌ ěrzätne koda RF-n‌ modatnestě, istä ěrzän‌ diasporastojak, ten‌ pingstě politikan‌ ěmigracijant‌ od tolkunont‌ ějstějak.
   Promkson‌ kenkštně karmit‌ panžadot ěr‌vant‌ ikele, kie lovi pränzo ěrzäks.
4. Promksov molemas‌-ardomas‌ pandovi delegattněsě.
   Promkson‌ purnycätne pandsyz‌ Promksson‌ jutavtoma škasto ěrämont‌-jarsamont‌. Sons‌ delegatos‌ tei kajavks 20 evroso.

Delegatos‌ kuči javolävks promksov molemado anokstamokuros.

Anokstamokuros‌:
Vitalij Romaškin, prävt
Boläen‌ Syres‌
Kel‌me Aris
Oliver Loode (Centr URALIC)
Timon‌ Vera

Anokstamokuron‌ počtazo: promks22@gmail.com