«Рускія не такія, гэта ўсе гэтыя… Бураты там, усякія іншыя чувашы — дзікія!»

Кожны дзень мы атрымліваем інфармацыю ад нашых людзей у Расіі і ў дыяспары. Пішуць нам і еўрапейцы, якія адкрыта ці ўтоена сімпатызуюць ідэям развалу Расійскай Федэрацыі. Вось паведамленне ад немца, менеджара сярэдняга звяна ў кампаніі ў Паўночным Рэйне-Вестфаліі (Германія), з якім мы кантактуем з 2020 года (публікуем самы цікавы ўрывак, наш пераклад):

«Унізе, дзе сядзіць рэгіянальная каманда падтрымкі, расійская паненка — вельмі адукаваная, выхаваная і, што немалаважна, з прагрэсіўнымі поглядамі (прынамсі, я так думаў раней). І вось на гэтым тыдні ў сталоўцы я незнарок пачуў яе эмацыянальны выступ перад калегамі: «Так, я не адмаўляю, на вайне ўсё бывае: і рабуюць, і гвалтуюць, мірнае насельніцтва пакутуе. Я зараз нікога не апраўдваю. Але, запэўніваю вас, рускія — нармальныя людзі! Праблема ў іншым: армія набірала грамадзян з нацыянальных прыгарадаў. Рускія хлопцы нармальныя — я ведаю, бо вырасла сярод іх! Рускія не такія, гэта ўсё гэтыя… Бураты там, усякія іншыя чувашы — яны дзікія!». Канешне, я не мог не перапыніць гэтую размову — бо мая жонка з «дзікіх». Аднак факт відавочны: рускія лічаць сябе носьбітамі цывілізацыі, адводзячы каланізаваным народам ролю вузкавокіх гладыятараў. Упэўнены, што ў выпадку паразы Расіі ў вайне супраць Украіны рускія, асабліва эмігранты на Захадзе, будуць актыўна спіхваць адказнасць на этнічныя групы. Гэта вельмі зручна!»