Кадыраўцы кажуць, што з задавальненнем узялі б удзел у Джыхадзе, калі б не раптоўныя перашкоды на мяжы, таму толькі Ўкраіна

Пакуль у Палестыне не аб’явілі Джыхад, кадыраўцы спакойна туды ездзілі, а затым рэзка пачалі баяцца мытнікаў.

Дарадца старшыні Чачні Рамзана Кадырава па рэлігійных справах Адам Шахідаў яшчэ месяц таму прызнаваўся, у Палестыне ідзе Джыхад супраць ізраільскіх акупантаў, але яны (кадыраўцы) не едуць туды, бо, бачыце, шмат цяжкасцяў у выглядзе межаў.

«А ва Ўкраіну, відаць, лёгка і зручна дабрацца, каб ваяваць за залатыя ўнітазы Пуціна і Кадырава», – каментуюць у «Адат», «народным руху ў акупаванай Чачні супраць кадыраўскіх намеснікаў акупантаў».

На канале руху таксама апублікавалі старыя фатаграфіі, па якіх зразумела, што насамрэч Кадыраў і яго атачэнне могуць без перашкод патрапіць на тэрыторыю Палестыны: «Могуць, але не хочуць. На свой газават яны будуць пасылаць сваіх аднаразовых, а самі будуць толькі на словах ваяваць, седзячы ў сваіх залатых палацах пад дарагімі кандыцыянерамі».