10 асноўных пунктаў Башкірскага нацыянальна-палітычнага цэнтра

Палітычную праграму БашНацПаліта тлумачыць яго кіраўнік, вядомы башкірскі палітык у эміграцыі, удзельнік Лігі Свабодных Нацый Руслан Габасаў.

Пункт 1. У будучыні кожная рэспубліка спачатку набудзе поўны суверэнітэт або незалежнасць, а ўжо потым сама вырашыць, ці трэба ёй уваходзіць у саюз незалежных дзяржаў або канфедэрацыю рэспублік. Кожная рэспубліка сама будзе будаваць свой палітычны і эканамічны праект.

Пункт 2. Наша мэта — сфарміраваць грамадзянскую палітычную нацыю ў рэспубліцы Башкартастан, якая ў «гадзіну Х» стане яе палітычнай асновай і сілай.

Пункт 3. У башкірскую палітычную нацыю будуць уваходзіць усе прадстаўнікі народаў, якія насяляюць Рэспубліку, а таксама для каго Рэспубліка Башкартастан з’яўляецца родным домам і хто лічыць Рэспубліку Башкартастан сваёй Радзімай.

Пункт 4. У рэспубліцы Башкартастан будзе прынята сваё ўласнае грамадзянства. Тыя грамадзяне Рэспублікі, якія прынясуць прысягу на вернасць Рэспублікі Башкартастан і яе Канстытуцыі, будуць удзельнічаць у палітычным жыцці Рэспублікі — у палітычных выбарах у розныя галіны і ўзроўні ўлады. Тыя, хто адмовіцца прыносіць прысягу, захаваюць права пражываць на тэрыторыі Рэспублікі, карыстацца ўсімі яе дабротамі і агульначалавечымі правамі. Але яны не будуць дапушчаныя да ўдзелу ў палітычным жыцці Рэспублікі.

Пункт 5. Башкірскі народ, які самавызначыўся ў 1917 годзе на гэтай тэрыторыі і стварыў башкірскую суверэнную Рэспубліку ў адпаведнасці з міжнародным правам на самавызначэнне, з’яўляецца вядучай палітычнай сілай башкірскай нацыі. Тэрмін «вядучая палітычная сіла» не дае ніякай перавагі башкірам перад іншымі народнымі Рэспублікі Башкартастан, усе народы рэспублікі Башкартастан раўнапраўныя.

Пункт 6. Тэрмін «вядучая палітычная сіла» накладвае на башкірскі народ адказнасць. Башкірскі этнас сфармаваўся як народ менавіта на зямлі, якая дасталася ад продкаў. Таму адказнасць перад самімі сабой і памяццю продкаў, якія пралівалі кроў за гэтую зямлю, а таксама адказнасць перад будучымі нашчадкамі захаваць і перадаць гэтую зямлю робіць іх вядучай палітычнай сілай Башкірскай палітычнай нацыі.

Пункт 7. Падзеі на Куштау ў 2020 годзе з’яўляюцца яскравым прыкладам, як ствараецца і працуе башкірская палітычная нацыя. Усе народы, якія пражываюць на тэрыторыі Рэспублікі Башкартастан, сталі на абарону шыхана Куштау, тым самым праявіўшы сваю сталасць як грамадзянскай нацыі. Менавіта ў гэтых падзеях башкірскі народ стаў вядучай палітычнай сілай, вакол якой аб’ядналіся астатнія народы рэспублікі Башкартастан.

Пункт 8. Башкірскі нацыянальны палітычны цэнтр заклікае ўсіх жыхароў Рэспублікі Башкартастан усвядоміць сябе адзінай башкірскай палітычнай нацыяй і ўключыцца ў работу па распаўсюджванні нашага агульнага праекта.

Пункт 9. Усе грамадзяне Башкартастана атрымаюць права на безумоўны базавы даход, які фарміруецца з адлічэнняў прадпрыемстваў, якія карыстаюцца прыроднымі рэсурсамі Рэспублікі.

Пункт 10. У Рэспубліцы Башкартастан будуць сфарміраваны свае ўласныя рэспубліканскія ўзброеныя сілы або нацыянальная гвардыя. Калі пасля набыцця Незалежнасці Рэспубліка Башкартастан увойдзе ў саюз незалежных дзяржаў або канфедэрацыю рэспублік, то рэспубліканскія ўзброеныя сілы могуць увайсці ў склад аб’яднаных узброеных сіл саюза незалежных дзяржаў або канфедэрацыі рэспублік.