Вайна, потым зноў вайна і зноў вайна

Большасць заходніх ваенных аналітыкаў, а таксама прадстаўнікі брытанскіх, амерыканскіх, эстонскіх і ўкраінскіх спэцслужбаў цяпер адкрыта выказваюць тыя ж асцярогі, якія перад усімі агучваў Аркадзь Бабчанка, журналіст, блогер і ўсё ж такі грамадзянін РФ даўным-даўно.

Яны робяць выснову, што пасля пройгрышу ў цяперашняй вайне імперыя не разваліцца, а толькі стане больш згуртаванай вакол дыктатара і яшчэ больш замбіраванай. Крэмль будзе рыхтавацца да рэваншу на працягу 10-15-30 гадоў і да значна большай маштабнай вайны, якая будзе ісці не толькі супраць Украіны і іншых постсавецкіх краін, але і супраць усёй Еўропы і блока НАТА.

Адказны за дзяржаўную бяспеку Эстоніі Райманд Кальюлайд і галоўнакамандуючы Узброенымі сіламі Украіны Валерый Залужны амаль адначасова заявілі, што перамога Украіны ў цяперашняй вайне — гэта толькі час для перадышкі перад наступнай вайной.

ЮнАрмію нездарма рыхтуюць — гэта рэсурс на будучыню. Нездарма ж уся гэтая нацысцкая прапаганда «пра галоўнае» зараз укараняецца ў школах. Рашысты не проста спадзяюцца на рэванш, а зараз актыўна да яго рыхтуюцца.

Імперцы будуць улічваць свае памылкі ў цяперашняй вайне — хоць яны і не вучацца на чужых памылках, яны вельмі добра вучацца на сваіх. Яны разгледзяць, падлічаць, падрыхтуюць. Не варта іх недаацэньваць.

Хутчэй за ўсё, у такой сітуацыі наступную вайну перажыве значна менш прадстаўнікоў карэнных народаў. А можа, амаль ніхто. Бо калі скончыцца цяперашняя вайна, то менавіта на карэнныя народы за пройгрыш «павесяць усіх сабак». Пачнуцца яшчэ больш актыўныя этнічныя чысткі, чым тыя, што адбываюцца цяпер з адпраўкай на фронт непамерна вялікай колькасці салдат з менш шматлікіх народаў імперыі.

І калі хтосьці з карэнных народаў дажыве да новай вайны, то наўрад ці ён яе перажыве, бо салдат з карэнных народаў усё роўна адправяць на фронт.

Гэтую новую вайну імперыя ўжо не выйграе, бо супраць усяго свету перамагчы немагчыма. Аднак гэтая імперыя цалкам можа знішчыць мільёны людзей.

І цяпер ад нас залежыць не толькі будучыня нашых дзяцей, але і наша ўласная: ці дажывём мы да новай вайны, ці адправіць нас імперыя ў апошні бой і ці загінем у этнічных чыстках яшчэ да яе пачатку. Ад нас залежыць, ці давядзецца нашым дзецям паўтарыць лёс цяперашняга гарматнага мяса.

Крамлёўская імперыя ўсё роўна разваліцца, але ад нас залежыць, калі гэта адбудзецца і колькі войнаў для гэтага трэба адбыцца.