Ў Башкортастане імкліва даражэюць прадукты, ўлады хлусяць аб прычыне

Міністр гандлю і паслуг рэспублікі Аляксей Гусеў прадставіў дэпутатам Курултая Башкортастана даклад аб сітуацыі з цэнамі на спажыўрынку.

Нават па дадзеных афіцыйнай статыстыкі, якая традыцыйна хлусіць, за апошнія 3 тыдні масла сметанковае падаражэла на 9%, хлеб – на 11%, рыс – на 13%, крупы грачаныя – на 16,7%, бульба – на 9,4%, цукар – на 27,3%. Падгузнікі выраслі ў кошце на 22%, пялёнкі – на 16%, пустышкі – на 44%.

Гусеў сціпла прамаўчаў, што ў многіх раёнах цукру ўжо няма ўвогуле: «Гаворка не ідзе пра дэфіцыт. Многія вытворцы не паспяваюць своечасова падвезці тавар і выкласці яго на паліцы».

«Давайце шчыра. Адбыўся проста выбух коштаў на ўсе віды тавараў. Усе тавары ў нас завезены з іншых краін. У нас сваёй вытворчасці няма, – не вытрымаў кіраўнік фракцыі ЛДПР у рэспубліканскім парламенце Вячаслаў Рабаў. – «Азірніцеся вакол сябе. Мы сядзім у памяшканні, у якім усе тавары не зроблены ў нас. Мы поўнасцю залежым ад рынку іншых краін. Што да сельгасвытворцаў, субсідыі гіганцкія выдзяляюцца, а забяспечыць мы сябе элементарна бульбай не можам. Сёння ў крамы егіпецкую бульбу завозім».

Аляксей Гусеў паспрабаваў даказаць, што ў сферы гандлю не ўсё так дрэнна, аднак супакоіць дэпутатаў не здолеў.