Што будзе, калі вайна ва Украіне скончыцца для Пуціна перамір’ем на яго ўмовах?

Пра гэта расказвае кіраўнік Башкірскага палітычнага цэнтра Руслан Габасаў.

Для нацыянальных рэспублік гэта найгоршы варыянт з усіх, якія могуць быць.

Усе памятаюць словы Пуціна аб нацыянальных рэспубліках СССР як аб «міне запаволенага дзеяння». Так ён выказаўся аб праве на выхад саюзных рэспублік.

Даўно зразумела, што мара Пуціна – унітарная імперыя, і ён шмат гадоў ідзе да гэтай мары.

Усе яго дзеянні па знішчэнні суверэнітэтаў рэспублік, інстытутаў прэзідэнцтва, нацыянальных моў; адабрання рэспубліканскай уласнасці; скажэнне нацыянальнай гісторыі; рэпрэсіі супраць нацыянальных дзеячаў і шмат іншага вялі да адной мэты – паступовага выпустошвання нацыянальных рэспублік і далейшай іх ліквідацыі.

Пакуль ідзе вайна з Украінай, нацыянальныя рэспублікі Пуцін чапаць не будзе. Пакуль яшчэ яму патрэбны башкіры, дагестанцы, бураты, тувінцы, чачэнцы, татары і многія іншыя прадстаўнікі карэнных народаў, каб з іх дапамогай заваёўваць і насаджаць «рускі свет».

Ваюючы з іх дапамогай, ён адначасова вырашае і іншую задачу – утылізуе самае пасіянарнае грамадства ў Расеі.

Калі толькі наступіць перамір’е на ўмовах Пуціна, першае, што ён зробіць, гэта зачысціць усіх, хто выступаў супраць вайны. Рэпрэсіі захліснуць Расею.

Расправіўшыся з непажаданымі, наступным крокам ён ліквідуе нацыянальныя рэспублікі.

Усе гэтыя размовы аб дэкаланізацыі Расеі, незалежнасці нацыянальных рэспублік, дэзінтэграцыі расейскіх рэгіёнаў палохаюць Маскву.

І як толькі яны вырашаць пытанні ва Украіне, яны 100% знішчаць усе рэспублікі на радасць імперцам тыпу Дугіна, Халмагорава або Стралкова.

Так што, байцы з нацыянальных рэспублік, падумайце, за што вы ваюеце.

Вы ваюеце за ліквідацыю ўласных рэспублік!

Можа, час ужо павярнуць зброю ў руках супраць імперыі?

Гэтая вайна вырашыць усё. Або ўсё абнуліць.