Рубрыка: Развал Расеі

«Пуцін мусіць зразумець, што яго паводзіны не дадуць нічога іншага, акрамя ўмацавання рашучасці Вялікабрытаніі і любой іншай краіны G7 падтрымліваць Украіну колькі спатрэбіцца», – Борыс Джонсан, прэм’ер-міністр Вялікабрытаніі.

Рэаліі вайны

27 чэрвеня войска РФ нанесла ракетны ўдар па гандлёвым цэнтры «Амстор» у горадзе Крэмэнчук Палтаўскай вобласці. На той момант там знаходзілася больш за тысячу чалавек. 19 мірных жыхароў загінулі, 62 атрымалі раненні, больш за 36 прапалі без вестак. Першапачаткова РФ абвергла ракетны ўдар, пасля чаго было яшчэ некалькі афіцыйных версій. У выніку Расеі прыйшлося ўзяць на сябе адказнасць, апраўдваючы забойства мірных жыхароў нібыта размяшчэннем на тэрыторыі «Амстора» складоў са зброяй. Натуральна, іх там не аказалася.

У выніку начных ракетных атак па Адэскай вобласці загінуў 21 чалавек, сярод іх было дзіця. Пацярпела 38 чалавек. Ракета трапіла ў жылы квартал пасёлка, у выніку чаго разбураны некалькі жылых дамоў. «Жамчужыну ў мора» расейцы настойліва ператвараюць у руіны.

Расейскія войскі абстралялі з «Ураганаў» мірных жыхароў у Лісічанску, калі тыя набіралі пітную ваду ад падвезенай цыстэрны. 10 загінуўшых, сярод якіх дзеці, і 19 параненых. Генацыд працягваецца.

Украінцы за тры дні сабралі $18 млн на Байрактары для сваёй арміі. Натхніўшыся згуртаванасцю украінцаў, кампанія Baykar прыняла рашэнне не браць грошы, а даць Байрактары бясплатна. Цяпер за гэтыя грошы ўкраінцы набудуць яшчэ больш сучаснай зброі для выгнання са сваёй зямлі састарэлай ва ўсіх адносінах «другой» арміі свету.

Украінскія вайскоўцы паспяхова нанеслі агнявыя ўдары па востраве Змяіны, пасля чаго РФ спешна эвакуіравалі рэшткі гарнізона. Свае ўцёкі яны паднеслі як «крок добрай волі» і «завяршэнне выканання пастаўленых задач». Кошт расейскай тэхнікі, знішчанай ЗСУ на востраве і ў навакольных водах, складае 915 мільёнаў долараў. Сапраўдная расейская «добрая воля» заўсёды патрабуе стымулявання.

Украінскія вайскоўцы на сваёй зямлі ліквідавалі больш за 35 тысяч расейцаў, якія прыехалі іх забіваць, а яшчэ 90 тысяч паранілі. Расейскае кіраўніцтва шматлікіх сваіх вайскоўцаў выдае за «зніклых», каб не выплачваць грашовыя кампенсацыі іх сем’ям. Складана нават уявіць, што будзе, калі ў Расеі даведаюцца аб сапраўднай колькасці баявых страт ва Украіне.

Расея працягвае красці і прадаваць збожжа, здабытае на часова акупаваных украінскіх тэрыторыях – ужо вывезена не менш за 400 тысяч тон. Адначасова працягваецца блакада экспарту з кантралюемых Украінай тэрыторый. GPS-трэкеры на захопленых украінскіх грузавіках са збожжам пацвярджаюць, што расейскія вайскоўцы адпраўляюць іх у Крым. У той жа час усе злачынствы РФ ва Украіне, у тым ліку такія, як марадзёрства, дакументуюцца. Калі-небудзь вайна скончыцца і за ўсё гэта давядзецца адказваць у Гаазе.

Рэшткі ад эканомікі

Упершыню з 1918 года ў Расеі дэфолт па дзяржаўнай запазычанасці ў замежнай валюце. Хоць Мінфін PФ і настойвае, што выканаў свае абавязкі, аднак уладальнікі расейскіх аблігацый не атрымалі выплаты ў тэрмін. Гэты факт пацвярджае, што нягледзячы на ​​прапаганду Крамля, міжнародныя санкцыі працуюць. Фактычна Расея адключаная ад знешніх рынкаў капіталу, найважнейшых банкаўскіх сістэм і рэйтынгавых агенцтваў. Да чаго дэфолт прывёў Расею сто гадоў таму – вядома. Што ж адбудзецца з РФ зараз?

ЗША ў рамках новых санкцый забаранілі імпарт расейскага золата. Таксама за акіянам апублікавалі пералік з 570 расейскіх тавараў, на якія будзе распаўсюджаная падвышаная імпартная пошліна ў 35%. У спісе аказаліся сталь, соль, драўніна, папера, гума і кампаненты авіятэхнікі. Пры такіх коштах тавары з РФ стануць абсалютна неканкурэнтнымі.

На пятым месяцы поўнамаштабнага ваеннага ўварвання Расеі на тэрыторыю Украіны акцыі Газпрома на Маскоўскай біржы абваліліся больш чым на 30%. Гэта адбылося пасля таго, як на акцыянеры адмовіліся выплачваць дывідэнды за 2021 год. У сувязі з курсам ЕС і ЗША на адмову ад расейскіх энерганосьбітаў, можна сцвярджаць, што фінансавае дно газавага манапаліста яшчэ не прабіта.

Расейскія фермеры не могуць складаць канкурэнцыю па кошце з імпартным мясам, якое на 25% таннейшае. Удзельнікі рынку папярэджваюць, што праз гэта яны амаль спынілі продаж жывёлы на забой, а ў будучыні могуць і зусім перастаць яго разводзіць. Улічваючы матэрыяльны дабрабыт большасці расейцаў, нескладана прадбачыць, што галоўным упрыгожваннем стала хутка стануць капуста і бручка.

Расейская мытня пачала блакіраваць увоз у краіну партый фруктовага і ягаднага пюрэ. Яна лічыць, што прадукцыя не прайшла апрацоўку і трапляе пад прадуктовае эмбарга 2014 года. Вытворцы сокаў папярэджваюць аб скарачэнні асартыменту, росце коштаў і стратах. Калі ў расейцаў не будзе мяса, то навошта ім фруктовыя пюрэ?

Расейскія школы скардзяцца на недахоп паперы, амаль кожная пятая сутыкнулася з перабоямі ў працы праграмнага забеспячэння, а каля 13% – з перабоямі ў пастаўках прадуктаў для сталовай. Усё лагічна. Навошта Расеі мець якасную сярэднюю адукацыю, калі галоўная місія выпускнікоў школ – загінуць на ўкраінскай зямлі?

Расейскі ўрад прапанаваў прымушаць бізнэс да выканання дзяржзаказаў у інтарэсах войска і спецслужбаў. Улады прызнаюць недахоп рэсурсаў на вайну ва Украіне. Хутка вытворцы матрошак будуць выпускаць бронекамізэлькі для рускіх салдат. З таго ж матэрыялу.

Міжнародная ізаляцыя

Фінляндыя забараніла ўвоз моцнага алкаголю з Расеі ў межах шостага пакета санкцый Еўрасаюза. Абмежаванне датычыцца таксама напояў, набытых у крамах duty free на мяжы. Несумненна, гэта сур’ёзны ўдар па расейскай годнасці з боку новага члена НАТА.

Балгарыя аб’явіла аб высылцы 70 расейскіх дыпламатаў і тэхперсаналу, які працуе ў расейскіх дыпмісіях. Генконсульства ў Варне практычна застанецца без супрацоўнікаў. Расейскае МЗС спрабавала націснуць на Сафію, аднак рашэнне балгараў прынцыповае. І абскарджанню не падлягае.

Расейцам пачалі адмаўляць у працы на фермах Вялікабрытаніі. Адразу некалькі рэкрутараў сталі пазбягаць заявак з Расеі і адклікаць сертыфікаты, неабходныя для атрымання працоўных віз. Брытанскія ўлады сцвярджаюць, што схема для сезонных працаўнікоў «адкрытая ўсім нацыянальнасцям». Мабыць, на Туманным Альбіёне ўсвядомілі, што «расеец» – гэта не нацыянальнасць.

Французская кампанія Thales, якая забяспечвала абарону плацежных трансакцый і праверку ПІН-кодаў на картах найбуйнейшых расейскіх банкаў, згарнула сваю працу. Раней група абслугоўвала 20 банкаў, якія ўжо мяняюць замежнае абсталяванне на айчыннае. Расейцам трэба рыхтавацца да праблем з абаронай іх сродкаў. Хаця… хутка і абараняць тое будзе няма чаго.

«Мы шануем узважанае і адказнае стаўленне кіраўніцтва Азербайджана да «ваеннай спецаперацыі» ва Украіне. Задаволены тым, як развіваецца дыялог з Азербайджанам», — заліваўся кіраўнік МЗС РФ Сяргей Лаўроў на прэс-канферэнцыі ў Баку. Цікава, што Азербайджан ніводным словам не падтрымаў дзеянні РФ ва Украіне. Лаўроў, якога ва Украіне называюць «размаўляючы конь», зноў выдае жаданае за сапраўднае.

Больш за 30 краін запатрабавалі выключыць Расею і Беларусь з міжнародных спартыўных федэрацый і спыніць вяшчанне міжнародных спартыўных падзей на тэрыторыях гэтых краін. Хутка расейцы змогуць самі арганізоўваць свае ўласныя алімпійскія гульні. Спіс удзельнікаў можна прадбачыць — усе тыя, хто падтрымлівае Расею на Радзе Бяспекі ААН.

На мяжы з Расеяй Польшча завяршыла будаўніцтва плота, на які пайшло 49 тысяч тон сталі. Цяпер загарода абсталюецца электроннымі сістэмамі бяспекі, у тым ліку 2,5 тысячамі камер назірання. Дзіўна: «Расея ніколі ні на каго не нападала», але ад яе ўсе імкнуцца адгарадзіцца.

Рэгіёны

Расейскія ўлады даволі часта звяртаюцца да стварэння альтэрнатыўных этнічных арганізацый народаў Расеі, калі не маюць магчымасці «падмяць» арыгінальныя. Так было з татарскімі, крымска-татарскімі і фіна-вугорскімі грамадскімі структурамі. На гэты раз паралельныя арганізацыі з’явіліся ў эрзян — аднаго з найбуйнейшых фіна-вугорскіх этнасаў Расеі і аднаго з тытульных народаў Мардовіі. Ахоўнікі «турмы народаў» карыстаюцца праверанымі тэхнікамі КДБ.

Кіраўніцтва Расеі не атрымае ніякіх палітычных і іміджавых пераваг ад рэферэндуму ў Паўднёвай Асеціі. Больш за тое, ён невыгодны для краіны, якая не хоча зараз нагнятаць адносіны з Грузіяй. Аднак Пуціну трэба падсілкоўваць свой рэйтынг перад сваім шавіністычным электаратам.

У Дагестане сталі адкрыта прапаноўваць заключыць кантракт для ўдзелу ў баявых дзеяннях ва Украіне з выплатамі «ад 240 да 290 тысяч рублёў». «Аве, Пуцін, тыя, хто ідзе на смерць, вітаюць цябе!» Але далёка не факт, што сваякі загінуўшых дагестанцаў атрымаюць абяцаныя выплаты.

У Башкірыі 46% работнікаў прызналіся, што іх заробку не хапае на асноўныя патрэбы. Толькі 15% адзначылі, што іх даход ад працы цалкам пакрывае асноўныя выдаткі. Здавалася б — пры чым тут «спецыяльная ваенная аперацыя» ва Украіне?

Буратыя застаецца лідарам у Сібіры і на Далёкім Усходзе па колькасці загінуўшых ва Украіне вайскоўцаў. Зараз па «афіцыйных дадзеных» Крамля, іх больш за 160. Колькі загінула насамрэч — можна даведацца са штодзённых зводак Генштаба УСУ.

Улады Расеі прынялі рашэнне не тушыць пажары ў Сібіры і на Далёкім Усходзе. У Краснаярскім краі гэта растлумачылі «эканамічнай немэтазгоднасцю», у іншых рэгіёнах не растлумачылі зусім. Сапраўдная ж прычына адмовы ад барацьбы з агнём — адсутнасць спецыялістаў і спецтэхнікі, якія зараз гінуць ва Украіне.

Улады Бураціі заявілі, што выдзелілі з бюджэту 200 млн рублёў на дапамогу салдатам, якія ваююць з Украінай. Грошы плануюць патраціць на квадракоптары, цеплавізары і прыцэлы. Першае правіла вайсковага статута УС РФ: труп бурацкага салдата павінен быць добра экіпіраваны.

Вар’яцтва «рускага свету»

У Іркуцкай вобласці ўлады збіраюцца высячы на ​​гары слова «СТАЛІН». На гэта патрацяць 100 тысяч рублёў з дзяржбюджэту. Уся справа ў тым, што паводле новай легенды мясцовай улады, крывавы дыктатар аднойчы сядзеў на гэтай гары і думаў пра будучыню Расеі. Кожны народ заслугоўвае менавіта такую ​​будучыню, да якой імкнуліся ўслаўляныя ім «героі».

МЗС РФ выклікала часовага паверанага ў справах Швецыі і аб’явіла, што работа Шведскага агенцтва міжнароднага развіцця і Шведскага інстытута прызнана непажаданай у Расеі. Гэтыя дзяржаўныя арганізацыі займаюцца падтрымкай дэмакратыі, правоў чалавека і навакольнага асяроддзя. МЗС сцвярджае, што яны «факусуюцца на імкненні дэстабілізаваць расейскае грамадства». Гэта не дзіўна, бо правы чалавека ў Расеі ва ўсе часы дэстабілізавала само грамадства.

У Siemens аспрэчылі заяву Газпрома аб тым, што скарачэнне паставак расейскага газу ў Еўропу звязана з зацягнуўшымся рамонтам газавых турбін. Затрымкі з пастаўкамі абсталявання не апраўдваюць «такога моцнага скарачэння» экспарту, заявіў кіраўнік наглядальнай рады нямецкай кампаніі. Насамрэч, расейскі газавы монстар толькі выдумляе апраўданні энергетычнага шантажу Еўропы.

Дэпартамент культуры Масквы аб’явіў аб кадравых перастаноўках у маскоўскіх тэатрах.  Некалькі мастацкіх кіраўнікоў, у тым ліку Аляксей Аграновіч з «Гогаль-цэнтра», пазбавіліся сваіх пасад, а дзве балетныя трупы па сутнасці былі распушчаныя. Верагодна, гэта робіцца для таго, каб не было каму выканаць Лебядзінае возера ў той дзень, якога ўсе з нецярпеннем чакаюць.

Паток крымінальных спраў на Сведкаў Іеговы не думае сканчацца. На гэты раз верніка з Краснаярска прыгаварылі да шасці гадоў калоніі. Першапачаткова ён праходзіў сведкам па справе другога Сведкі Іеговы, якога таксама пасадзілі на шэсць гадоў. У Расеі заўсёды сведкаў прыбіралі. І сведкаў сведкі таксама.

Вывезенае з захопленага Марыупаля абмундзіраванне ўкраінскіх вайскоўцаў, асабістыя рэчы расейскіх салдат і наймітаў і шаўроны «ЛНР» і «ДНР» паказалі на выставе «Бітва за рускі свет» у поліэтыленавай палатцы пад Санкт-Пецярбургам. Па задумцы арганізатараў, убачанае павінна выклікаць у гасцей пачуцці патрыятызму і гонару за радзіму, а не асацыяцыі з поліэтыленавым мяшком.

Расейская прапагандыстка Скабеева заявіла, што войскі РФ ужо знішчылі ва Украіне 1 тысячу Байрактараў. І гэта пры тым, што ўкраінскае войска закупіла перад вайной усяго 62 такіх апарата. У страху вочы вялікія. Нават збітыя Байрактары працягваюць ваяваць за свабоду Украіны.