Расейскія алігархі вывозяць маёмасць у Дубай

З моманту аб’яўлення Расеяй вайны Украіне прадстаўнікі расейскай эліты пачалі вывозіць маёмасць, сярод якой каштоўныя карціны, у Аб’яднаныя Арабскія Эміраты.

Так, за час вайны ва Украіне ў Дубай ужо здзейснілі рэйсы алігархі з бліжэйшага асяродку прэзідэнта Расеі. 

28 лютага з Ніцы ў Дубай прыляцеў самалёт Bombardier Global 5000, якім, па дадзеным крыныцаў “Украінскай праўды”, карыстаюцца браты Ратэнбергі. .

26 лютага пералёт Масква-Дубай-Масква на працягу однаго здзейсніў самалёт Bombardier Global 5000 алігарха Юрыя Трутнева. 

Борт Рамана Абрамовіча Boeing 787-8 Dreamliner на працягу вайны двойчы лятаў у Дубай. Першы раз 28 лютага. 4 сакавіка ён вярнуўся ў Маскву і ў той жа дзень зноў выляцеў у Дубай. 

24 лютага ў Дубай прыляцеў борт борт Bombardier Global 7500 Сяргея Чэмезава. Самалёт выляцеў  з Масквы, зрабіў стыкоўку ў Тэль-Авіве і накіраваўся ў Эміраты. Вярнуўся ў Маскву самалёт толькі 3 сакавіка.

Гэтай ноччу ў Эміраты выляцеў самалёт міністэрства абароны Расейскай федэрацыі. 

4 сакавіка апоўначы з вайсковага аэрадрома Чкалаўскі ў Маскоўскай вобласці выляцеў самалёт Ту-154М з бартавым нумарам RA-85041 і ранкам 5 сакавіка ён здзейсніў пасадку ў аэрапорце Аду-Дабі.