Пратэст у Рыме: удзельнікі асудзілі ўлады Ірана і РФ, а таксама падтрымалі Украіну

Сёння ў цэнтры Рыма праходзіла акцыя пратэсту супраць іранскага і расейскага таталітарных рэжымаў, у якой бралі ўдзел і выхадцы з рэгіёна Ідэль-Урала. Сярод прысутных былі іранцы, мусульмане з іншых краін, якія пражываюць у Італіі, а таксама украінцы і італьянцы.

У акцыі ўдзельнічаў намеснік прэм’ер-міністра Татарстана ў выгнанні, адзін з сузаснавальнікаў руху «Свабодны Ідэль-Урал» Рафіс Кашапаў.

Людзі выступалі пад трыма лозунгамі: асуджалі іранскую ўладу, скандуючы «Не дыктатуры ў Іране», асуджалі вайну Расеі супраць Украіны і выказвалі сваю салідарнасць з Украінай і ўкраінскім народам.