Генерал Шаманаў сабраў папоў і муфтыяў, якім даў указанні па «ўкраінскім пытанні»

«Сусветныя традыцыйныя рэлігіі супраць ідэалогіі нацызму і фашызму ў XXI стагоддзі» — круглы стол з такой назвай сабраў напярэдадні ў Дзярждуме медыйных чэкістаў і іх падручных. На парадку дня была Украіна.

Куратар мерапрыемства — дэпутат Дзярждумы і генерал-палкоўнік УС РФ Уладзімір Шаманаў, які падчас вайны ў Чачні ўславіўся «зачысткамі», масавымі пакараннямі смерцю мірных жыхароў, авіяабстрэлам калоны бежанцаў. Частка яго злачынстваў афіцыйна пацверджаны Еўрапейскім судом. На сваё спецмерапрыемства ў Дзярждуме Шаманаў прыцягнуў “рэлігійных дзеячаў”, якія абяцаюць нішчыць ворагаў Крамля.

Сутнасць спецмерапрыемства была зведзена да таго, што яго ўдзельнікі публічна пацвярджалі сваю вернасць Маскве, Пуціну і яго рэжыму. Таксама асабовы склад рапартаваў генералу Шаманаву аб падтрымцы ўварвання ва Украіну і прасіў «інтэнсіўней знішчаць нацыстаў».

Так званы «муфтый духоўнага сходу мусульман Расіі Альбір Крганаў» паскардзіўся генералу на недастатковае прамыванне мазгоў расійскай моладзі, якая становіцца лёгкай здабычай заходніх спецслужбаў. «Трэба ўшчыльную працаваць з моладдзю, каб яна адчувала сябе грамадзянамі вялікай дзяржавы і была здольная адстойваць ідэалы Радзімы», — заявіў кішэнны муфтый.

Не расчаравалі Шаманава і рускія папы. «Бог з намі, і перамога непазбежная на нашым баку. Расія — гэта прылада ў руках Божых, каб спыніць распаўсюджванне па зямлі ўсяго, што з’яўляецца мярзотаю перад Богам. Усё амаральнае ідзе з ЗША. Вашынгтон — гэта логава д’ябла», — даў справаздачу інак РПЦ Кіпрыян (на грамадзянцы — Валер Буркоў — «герой Расіі» і ўдзельнік Афганскай вайны, кат мусульман).

Аднак найбольш Шаманава парадаваў чэкіст з Інгушэціі Ісмаіл Бердзіеў, які на дадзены момант працуе на пасадзе «старшыні каардынацыйнага цэнтра мусульман Паўночнага Каўказа».

«Мы павінны завяршыць гэтую аперацыю да канца. І ніякіх перамоваў весці не трэба, калі нават пагодзяцца на капітуляцыю. Трэба знішчаць іх да канца… Ніякай Украіны не павінна быць», — заявіў Бердзіеў, куратар мусульманскай лініі па Рэспубліцы Інгушэція.

Шаманаў застаўся вельмі задаволены асабовым складам і падручнымі, шчыра падзякаваў усім, хто выступаў на мерапрыемстве за іх службу.