«Ад Камчаткі да Адэсы масква мае інтарэсы»: як у расеі замбуюць дзяцей яшчэ ў садках, каб вырошчваць з іх гарматнае мяса

Крамлёўская прапаганда акружае расейцаў з пялюшак. І гэта амаль не перабольшанне. Імперскі шавінізм і вайну прывіваюць расейскім дзецям з першых гадоў жыцця.

Ці памятаеце, як нядаўна ў Чабаксарах школьнікам раздалі словы новай «прапагандонскай» песні ў рамках падрыхтоўкі да святкавання 9 траўня? Уяўленні пра геаграфію РФ у яе аўтараў дастаткова своеасаблівыя. Ды і не толькі пра геаграфію.

Але што школа – прапагандысты пачынаюць з дзяцей у садках. У Барнавуле рэкамендуюць 2-3-гадовым дзецям расказваць пра вайну «ў форме гульні».

Мы не будзем гэтага каментаваць. І так добра зразумела, да чаго дзяцей такім чынам рыхтуюць.

Нагадаем толькі, што такое «патрыятычнае выхаванне» даўно практыкуюць у адной краіне, да якой ўсё больш становіцца падобнай РФ.

І так, гэта Паўночная Карэя.