Vasence barakoś maksy ponkstněń kolmocenteń, omboceś – vasence barakonteń

Sundeŕkovoń 18-ce čistěnt́, koj-konat kuläń sravtnemapeĺtne lectiź Dagestanoń preḿer-ministrant́ Zdunovoń Artemont́. Kelät son vejkeś Mordovijań prävtoks kandidattněde.

Tede ikele, Volkovoń Vladimirěś, Mordovija respublikań prävtoś, pškaleś Rossijań Federacijań Prezidentěnteń te tarkastont́ kajamodonzo ěnäldoma marto “Škaś moli, ěrävi maksoms ki odtněneń” – sermadś Volkov pškademasont́, kona putoź respublikań oficialeń sajtsont́.

Mordovija Respublikaso kadrań polavtomatnede jovtynze arsemanzo Syreś Inäzoroś.

«Meeĺce škastont́ respublikasont́ kenärdycä kulätne a vasstovkšnyt́. Dy, vit́kstams, avoĺ ansäk respublikasont́…

Volkovoń Zdunovoń langs polavtomant́ nevtit́ lomańtneneń kenärdovtycä, polavtomat altycä, kuläks, ěräza diskussijań temaks. Lomańtneń ěrävi tago-mezde lijado kortavtoms. Kirdient́ meĺs a tuit́ tečiń kortamotne “zastoj kortyt́ dy degradacija”. Ansäk prrblemań juroś avoĺ Volkovso, avoĺ Zdunovso. Aravtyk tarkazost natoj Boĺcerovičeń Lešekeń – socialeń-ěkonomikań politikasont́ sonenzě mezejak a polavtovi. Teči lamot učit́ dy kemit́ net́ polavtomatnes. Prblemań undoksonzo kolonijań sistemasont́, kona a maksy ěräms dy kasoms Mordovijaneń, Tatarstanonteń, Dagestanonteń dy lijatneneńgak. Kodamo tökš kriterieś, prävtoń kočkamsto? Prevt́? Talan? Kočkit́ seń kie anok ulems sistemań ureks, važodems a raśkenteń langs, važodems Putiněń langs. Vese lijataś, meze sody lomaneś, meze mašty, kodat melenzě-arsemanzo, te vese viška tevt́… Seks te kuläś Dagestansto saemadont́ dy Mordovijav putomadont́ lectävty vejke anekdot, noldynk čumom, son a rakavtycätnede. Son sede, koda Mordovijań kolonijatnede vejkesěnt́, radioś javolävty: teči ponks-panaroń polavtoma či. Vasence barakoś maksy ponksonzo kolmocenteń, omboceś – aasence barakonteń.», – prädyze kortamozo Boläeń Syreś.

Inäzoront́ valonzo kuvalt, od respublikań prävtoś, Volkovoń kojsě, a karmi melävtomo Mordovijaso ěricätneń itnerestněde: «Moskovsto aravtozent́ azoroś kremläsont́. Sonzě a lomant́ kočkiź, seks sonzě mezejak a sülmi raśkenteń marto, sonzě araś dy a karmi melezě sodams mezde melävtyt́ lomańtne. Zdunov bukvań kuvalt, figurań kuvalt karmi vetämo tevtneń avoĺ ěrzätneń, mokšotneń, tatartněń ěli, natoj, ruztněń interesěst vanstaź. Son sistemań važo, son karmi vanstamo činovnikeń interestněń, son karmi uredeme Putiněń langs.

Učoms peĺdenzě polavtomań kijava molemant́, sistemań jangamoń snartnemant́, reformań jutavtomat, respublikań interesěnzě vanstaź, te pek naivnojstě präń vetämo. Te vejkine kiś, kona vesti ěrämosonok paro jonov polavtomatnes, dy te kiś a sonzě. Sonzě teveś te veticä kuront́ appetitěń vanstoma».