Ěrzäń Inäzoroś pškadś Vejsěndäź Raśkeń Organizacijanteń dy čumovtyze Moskovont́

Jutavtovi VRO-ń, undoks raśkeń kevkstematneń kuvalt forumont́, XX-ce s essijaś. Son važodi vest́ ień pert́ dy uĺneś ušodoź čadykovoń 19-ce čistěnt́ Ńju Jork ošso. Tedide, kezovdont́, son jutavtovi onlajn, video-režiment́ tevs putoź.

Forumoń važodemasont́ sajś peĺks ěrzäń Inäzoroś Boläeń Syreś. Ěś pškademasont́ son pštistě säldyze Rossijań Federacijań teveń vetämonzo nacionaleń respublikatneń dy undoks raśketneń marto: «Meeĺce kolońgemeń ień pert́, miń millionoń raśkestěnt́ teevinek apokške, jomamo ikele, ětno kuroks. Tortingevteme, ěpidemijavtomo, deportacijavtomo! Koda vese Ideĺ-Ural regionoń ěricätne: mokšot, udmurt, marit́, čuvašt, baškort dy, natoj, tatartnějak. Kardaź raśkeń partijań teemaś, tökšškolatne, tiriń keĺsě tonavtomaś. Ansäk raśkeń oršamopeĺsě kištemat. Raśkeń meĺtopavtoma kisě türicätneń – kirdieś lovi ěkstremistěks, kekši psihiatrijań kudos dy tüŕmas».

Ce vasence pškadema VRO–sont́, kona gajneś ěrzäks. Inäzoroń Sekretariatozo anokstaś dy, ve škasto pškademant́ marto, jutavtś pškademant́ anglań keĺs. Pškademaś nevtś VRO-nt́ televideozo (UN Web TV).

Inäzoroś terdize raśkejutkoń kuront́ Rossijań Federacijań vejsěń lepštämos: «Ěrzätneń satovoĺ viest ěräms pandemijań škane dy minek a lisi ěräms sede tov Rossijań Federacijasont́. Ansäk Moskov langs mastorütkoń lepštämoś, idesamiź minek ětnociděń meeĺce fazadont́».

Inäzoroś kučize VRO-ń undoks raśkeń kevkstemań kuvalt forumoń Sekretariatonteń baška pškademanzo. Pškademasont́ jonkstavi organizacijant́ meĺvannomaś Rossijań Federacijań undoks raśketneń meĺtopavtomań kolamont́ langs. Dokumentsěnt́ sörmadoź sede, koda pansit́ dy kardyt́ «TOC» Tataroń raśkeń centrant́ dy baškoroń vejsěndävksont́ «Baškort». Jovtnevi lamo processtněde tataroń, ingušoń, ojratoń, čerkesěń, burätoń raśkeajgematneń karšo. Baška jovtnevi koda kirdivieś meĺteme vešni setneń, kit́ čaviź 2010-ce iestěnt́ Žukov Aslanoń, čerkesěń od lomaneń «Adyge Hase» ajgemas sovsicänt́. Setneń kit́ 2018-ce iestěnt́ čaviź Hašaguĺgov Muslimeń, ingušoń aktivistěnt́, 2020-ce iestěnt́ Juškov Evgenień, saamoń aktivistěnt́, setneń kit́ snartnest́ čavomonzo Hamaganov Evgenień, kona važodi burätoń ajgemasont́ «Ěrhě». Setneń kit́ 2015-ce iestěnt́ salyź Ĺjanov Rustamoń, ingušoń aktivistěnt́. Jovtnevi koda 2020-ce iestěnt́ saeź, putyt́ tevs naŕgamo psihiatrijant́ Saitova Ramiläń, baškirěń aktivistěnt́, dy Gabyšev Aleksandrań, jakutoń tevendeent́, karšo.

admin

Leave a Reply