«Ěrzäń val» kuroś ušodyze od proektězě «Audiokiniga viška ěrzäneń»

Proektěnt́ tökšmelezě teems ěrzäń ějdetneń sodaviksěks ěrzäń jovkstněń marto. Nevtems ěrzäń keleń mazyjčint́ dy süpavčint́.

Tat́jana Vasiĺevna Razguläeva – vasence avtoroś, kona šnyze melemek velävtoms jovksonzo audioformats. Kortamoś moĺś «Ěräś-ašteś jovkske» kinigadonzo. Kinigaś peštäź jovksoń valdoso. Son altaź ěrzäń ějdetneneń. Jovkstně tonavtyt́ tirinsent́ večkeme, kisěnzě meĺsparoso ašteme.

Tat́jana Vasiĺevna Razguläeva — ěrzäń sörmadej, valmoroń ladsij. «Sätko» kovstavksont́ prävtredaktor. Prädyze M.E. Evsev́ev lemsě institutoń filologijań fakuĺtetěnt́. Sörmadovksonzo pečatavst́ «Ěrzäń pravdaso», «Sätkoso» dy «Čilisemaso». Škań jutaź lamotne ějstěst lisst́ «Teštine» dy «Ocör» pusmotnesě. Malav 20 iet́ važodś «Ěrzäń pravda» kulälopasont́. Sede tov, – «Sätko» žurnalsont́ Nej son – «Sätkont́» prävtredaktorozo. 2008 iestě sonzě liś knigazo – «Peverdeź čovalät». Sörmady očerkt́, jovtnemat, novellat.

T. Razguläeva. «Ojaksči». Lovni Boläeń Syreś

Pek a vejket́ kavto jalgatneń säldyt́ malaviksěst jalgačint́ kisě. Kelä a vejket́ syń.  Ansäk jalgačiś te a vekeksči. Jalgačiś te zärdo jalgatneń jutkso ěri  čaŕkodemaś.