Ěräza ěrzätne noldast́ mehanikado tonavtkiniga ěrzäń keĺsě

Avtortně terdit́ lijatneńgak ušodoms ěś keĺsě tonavtkinigatneń anokstamont́.

Vejkeś ěräzatnede, ěrzäń keleń kisě melävtycätnede, Arpad (Andrej) Valdaž, noldaś tonavtkiniga mehanikado ěrzäń keĺsě, sörmady «Ideĺ Realii» resursont́ žurnalistěś Dina Nagaeva. 

Kiniganteń putoź mehanikado juroń čaŕkodematne, sodamoaravtovks dy nevtema marto. Kinigaś uĺneś mučkaź ěrzäń keĺsě kortycätnesě.

Avtoroś teškstyze, kinigasont́ vese termintně, znäryja valdo baška, saeź ěrzäń keĺstě. Nama, ulit́ kinigasont́ a jutavtovicä valt, konat saeź latiněń, grekeń dy lija keĺtnestějak.

Avtoront́ arsemanzo kuvalt te kinigaś aravty tarkazost setneń, kit́ lovit́ undoks raśkeneń keĺtneń a maštoviksěks tonavtkinigań sermadomanteń. Avtoroś terdi lija lomatneńgak važodems te jonkssont́, sörmadoms tonavtkinigat ěś tiriń keĺsě. 

Tonavtkinigaś ěrzäń keĺsě dy ruzoks jutavtoześkak saevi pandomavtomo  Ruzoń-ěrzäń valks sajtstont́.

Ikele miń sörmadokšnynek sede, koda ěrzätne kemekstyź ěś kočkavicä kurotneń sistemant́, kona pek moli krymeńtataroń sistemant́ langs.

N.P. Ogarev lemsě MGUń, professoroś Vladimir Abramov lovi ěrzätneń dy mokšotneń ve «mordvań» raśkeks. Kelä «mordvatnede» vese sodyt́ ušodoź minek ěrań nilece pingestěnt́.