Tejdäno ruzoń-ěrzäń valks

Tedideń čadykovstont́ Inäzoroń Sekretariatozo noldyze odkstoź sajtont́ www.inyazoro.info, son valdovty ěrzäraśkeń ajgemań tevtneń kavto keĺsě – ěrzäń dy anglań. Kavto targot važodemadont́ mejle minenek pačkodst́ znäryja lembe sörmat ěrzätneń peĺde, konatnesě avoĺ ansäk nežedema valt. Syndest baška toso penäcämot, mejś arast́ parste teeź inealtymań-resurst, konat lezdyt́ ěrzäń keleń tonavtnemanteń, valoń anokstavksont́ (zapasont́) peštämonteń.

Teči pek ěrävi vievgavtoms ěrzäń keleń pozicijant́ socialeń (sociaĺnoj) altymatnesě, tede baška, teči lamot vešnit́ dy a muit́ inealtymań-resurst ěrzäń keĺsě. Seks Inäzoroś karmavtś ušodoms Ruzoń-ěrzäń onlajn valksont́ langso važodemant́. Teči te karmavtomaś uĺneś ked́čeĺkeź (sörmactoź) dy maksoź Inäzoront́ Sekretariatos.

Miń terdtäno volontörtněń važodeme te proektsěnt́. Kie anok lezdams – pškadede adresěnt́ kuvalt: inyazoro@gmail.com Terdtäno vese bažicätneń. Tesě a ěrävi ulems programistěks ěli dizajněrěks. Miń mujdäno važodema kona teevi ěŕvanteń. Ulezě bažamo dy uleveĺ lomaneś anok lezdams minenek.

Tede baška miń terdtäno ěrzätneń dy ěrzäń jalgatneń, veseń, kie melävty ěrzäń keĺdent́ dy raśkedent́, lezdams jarmakso hostingeń, domeněń lemeń ramamonteń dy sajtont́ teemań kisě pandomanteń. Te šožda teems nevtevksěnt́ kuvalt: https://www.patreon.com/erzya

Kemdäno, od sajtoś teevi viev instrumentěks ěrzä raśkeń rusifikacijant́ iznämga, dy minek tiriń kelent́ veĺmavtomga, odstomga dy kastomga. Vese volontertněń dy jarmakso lezdycätneń lemest karmit́ nevteź valksoń sajtsont́.