Rosijań Federacijaso čavoź sodaviks saami raśkeń ajgemań teveńdeeś

Murmansk bueń saamoń Lovozero velesěnt́ teeź čumotev. Tede javolävty Norvegijań kirdij teleradiokompanijaś NRK Sápmi.

Sundeŕkovoń 29-ce čistěnt́, kavto lomant́ kulost́ garažso kiŕvakstnemadont́. Vejkeś ějstěst sodaviks lija lamo keĺstě jutavtycä – Evgenij Juškov. Lamo iet́ son važodś Saamoń vejsěndävkssont́ (Sámerađđi). Rungotneń muiź Evgenień garažsont́. Policijaś lovi te čavomaks dy vešni čumotneń. Evgenij ěräś Norvegijaso, Karaš́ok ošso dy tonavtneś Saamoń universitetsě Kautokejno komunasont́.

«Oläčiv Rav-Uralońteń» sörmadyt́: Evgenij Juškov dy jalgazo uĺnest́ garažso, zärdo syń maräst́ tago meze ušosto. Syń list́ ušov dy uĺnest́ kavonest ledeź. Tede mejle rungotneń sovavtyź mekev garažonteń dy, rungotneń pultamga, garažont́ kirvastiź.

Evgenij Juškov (45 iet́) – saami lomań Lovozero velestěnt́. Tesě son čačś, kajś, tonavtneś, uŕvakś… Uĺneś paro lomaneks, čevte sedej intellektualoks. Te uĺneś pek talanov lija keĺstě jutavtycä (norskoń (norvegijań), anglań, pelevesaamoń dy ruzoń keĺtneń sodyj). Lija istämo specialist teči araś. Evgenij sajś peĺks lamo ěŕva kodamo konferencijaso, seminarso, promksso, raśkeń vasstomaso. Uĺneś koordinatoroks rossijań saamoń kevkstematnede kortamotneń. Son uĺneś a vasencetnede, ansäk teči čaŕkodevi, saamoń aktivistně kadovst́ sontemenzě teke ked́teme.

Evgenij uĺneś pek kemeviks lomaneks. Sonzě čavomaś te pokš jomavtoma dy kažo rossijań saamtněń turtov. Miń teke karmatano sodamo, kie sonzě čavize dy veńkstämočident́ syń a orgodit́.