Koronavirus: meĺkarmavttano kirdivient́ peĺde nejkeń tevt́

COVID-19 ormant́, konań kandy SARS-CoV-2 koronavirusoś, kordontně a kirdit́. Oficiaĺnoj informacijant́ kuvalt, ějzürkovoń 19 –ce čistěnt́ Rossijań Federacijasont́ te infekcijant́ marto uĺnest́ 200 lomant́, dy synst znäroksteś kasy sede tov.

«Oläčiv Rav-Ural» pškadi Mordovijań, Čuvašijań, Marij Ěl, Tatarstanoń, Udmurtijań, Baškortostanoń prävtvetikurotneneń meĺkarmavtoma marto: nejke ušodoms tevtneń, konat valkalgavtsyź (zamedlät) ormań sravtnemant́, anokstams kirdij sistematneń, medicinant́ sistemant́ važodemanteń, buti kansteś langozost lamokst́ kasy.

1.            Javolävtoms karantiněń režiment́: -lotkavtoms, pekstams, vese učreždenijatneń. Kadoms panžoź ansäk kritičeskoj infrastrukturań obektněń – jarsamopeleń lavkatneń, aptekatneń, zapravkatneń… Kardams artnematneń dy jakamotneń. Ansäk važodeme, jarsamopeĺ meĺga, aptekav dy inesketneń varčamo (buti synest ěrävi lezdamoś) molemga dy artnemga

2.            Pekstams respublikań kordontněń. Ěŕvaś kie sy Rav-Uralonteń jutavoĺ 14 –e čiń karantin (izoläcija).

3.            Kardams vanstycä maskavtomo dy rezinań vaŕgavtomo  ušov lisemant́.

4.            Kardams čadykovoń pes vese massań meroprijatijatneń respublikatneń territorijatnesě. Pškadems RFěń prävtvetikuronteń meĺkarmavtoma marto: – a jutavtoms 22 –ce čadykovoń čistěnt́ Rossijań Konstitucijanteń polavtomatneń kuvalt Veserossijań vajgeĺmaksomant́.

5.            Kardams vese teškstamotneń, «prazdniktneń», dy jutksost setneń konatatneń jutavtomant́ kisě pandy kirdij büdžetěś (1 maj, 9 maj, dy sedetovgak).

6.            Lotkavtoms činovniktněneń, sudebnoj sistemań, prokuraturań, FSBěń, SKań, MVDěń, Rosgvardijań uredicätneneń premijań pandomatneń.

7.            Jarmaktněń, konat oläskadyt́ jonkstams infekcionnoj boĺnicäń panžomas set́ rajontněsě, koso kodatkak arast́! Ramams sede lamo tevelävtoń (legočnye) iskustvennoj ventiläcijań apparatt.

8.            Purnams ěŕva respublikasont́ stabilizacijań fond, konań noldams avoĺ süpav, apak ide, lomanneń lezdamonteń.

9.            Čadykovoń pes javolävtoms kajavksoń (nalogoń) kanikulatneń viška dy kunška bizněstněń turtov.  Javolävtoms panžikovoń 31 –ce čis moratorij dokumentěń dy faktoń  proverkatneń langs. Lotkavtoms setneń, konat ušodoź.  Vejke kovs javolävtoms štrafoń dy peni kardamo, natoj buti potrebiteleń kreditněń kuvalt pandomatne apak tee. 

10.          Reaĺnoj škań režimsěnt́ jutavtoms lomatneń informajijant́ sede, koda molit́ tevtne, meze tei kirdivieś, znäro ěŕva respublikasont́ sěredicätnede, medicinań maskatnede, respiratortněde, tevelävtoń iskustvennoj ventiläcijań apparattněde, paciěntěń tarkatnede.

Ěräzat, preventivnojt́ tevtne kardasyź ormań ajgemant́.

Miń terdtäno vasnäjak arsems lomaneń ěrämodont́, dy ansäk tede mejle Vladimir Putiněń, sede tov süpavgadomado dy kirdij prolongacijadont́, interestněde.  

admin

Leave a Reply