Evropań kamelävtomačiń dy vejsěvažodemań tevtneń organizacijant́ EKVO Prävt komissaront́ ikele ěnäldyt́ «Baškortoń» idemado

Baškort

«Oläčiv Rav-Ural» raśkejutkoń ajgemaś ěnäldy Lamberto Zańeroń, EKVO–nt́ (EKVO – OBSE) viška raśkeń tevtneń kuvalt Prävt komissaront́, ikele «Baškort» raśkent́ organizacijant́ idemga.

Istämo pškadema kučś sonenzě Rafis Kašapov, vejkeś «Oläčiv Rav-Uraloń» jurovtycätnede, politikań ěmigrantoś.

«Tyń parste sodatado, Rossijań Federacijań undoks raśketneń meĺtopavtomavtomo ěrämodont́. 2001 iestěnt́ saeź minenek a merit́ vejsěndävkšnoms ěś nacionaleń partijatnes. 2018 iestěnt́ saeź, minek raśketneń kirdij keĺtneń nardyź tevpeks (obäzateĺnoj) tonavtoma keĺtneń jutksto. Vejket́ks kirdij ěkzameněś jutavtovi ansäk ruzoń keĺsě. Minek ějdeteneń araś meĺtopavtomast jutavtoms ěkzamentněń respublikatneń kirdij keĺtnesě. Minenek a merit́ putoms tevs latinicant́ tiriń keĺsě sörmadomsto. Moskovoś karmavty veseń sörmadomo kirillicaso» – sörmady Rafis Kašapov, anglań keĺsě pškademasont́.

Prävt komissaronteń ěś sörmasont́, Rafis Kašapov ěnäldy Rossijań kirdivientné pškademado, «Baškort» karšo lepštämoń processněń dy undoks raśketneń melest karšo russifikacijant́ lotkavtomga.

Ěś sörmadont́ jovtnemstě, Rafis Kašapov teškstyze, net́ kirdivień lepštämotne jonkstaź vese minek raśketneń karšo: – «Vese sodyt́, baškortněń dy tatartněń jutkso ulit́ peĺkstamot. Ansäk minenek ěrävi sams ve meĺs a jomamga-kulomga. Tejdäno vese vejsě ve tev. Kadyk viška tev, ansäk son pokš kortamotnede sede paro! Seks miń vejsěndäsynek vese vienek kirdivient́ karšo, «Baškort» organizacijant́ idemga. Teči miń baškortněń marto vejsě»

admin

Leave a Reply