“Ěrzäń Val” kuroś sörmadyze Podgornova Alinań valmoront́ moramonzo

“Ěrzäń Val” kuroń aktivistně tejst́ ěś od proektěnt́ prezentacija – Alinań moronzo moryze Boläeń Syreś gajt́sermadomań studijaso.

Kompozicijaś altaź ěrämont́ terdematneneń konat teči stävtovst́ ěrzätneń ikele. Avtoroś pškadi Tüštäneń ěnäldoma marto “sovams oštněs dy veletnes”, putoms tevs ěś vient́ ěrzäń raśkent́ kulomado – jomamodo idemga. “Ěrzäń Val” kuroś  sükoni  Bryliant Volodymyrněń proektěnt́ langso važodemstě lezdamonzo kisě!

2013-ce ień aštemkovoń (ijuneń) 9-ce čistě Samara jonksoń Kineĺ-Čerkasskoj rajonoń Erzovka ěrzäń velesě jutaś “MASTORAVAŃ TUNDO” ěrzäń-mokšoń XV festivaleś. Son altavś Erzovka velent́ 250 ień topodemanteń. Samaj toso te moront́, «Tüštäneń pškadema», moryze Erzovka veleń Nastä Starostina tejteŕkaś.

Nej te moront́ marto videoś a muevi. Takineń valtně pek ězt́ večkeve.

Tüštäneń pškadema

Kozoń, Tüštä, ton kekšik toramot?
Čat́monemań pingetne jutast́!
Merit́: «San». Učovi tenek samot?
Nej viet́ ěrävomo karmast́.

Merit́, Tüštä: «San dy maksan lezě!»
Kapšak, ěno, ěrzäń ine vij!
Iläzo sa minek raśkent́ pezě,
Jutaź škastont́ varmań sasaź čijt́!

Sak dy kevkstik ěŕvatant́ lemenzě,
Ki cätorso pravty ěrzäń keĺ.
Iläk makso, iläk makso tenzě!
Ěnäldtano: javt minenek meĺ!

Sravtnevś raśket́ Moda-avant́ keles
Dy tonavtneś lija keleń valt.
Sovak,Tüštä, oštnes, sovak veles
Dy meze kadovś ějstěnek, vant!

Alina Podgornova

admin

Leave a Reply