Карэнныя народы РФ будуць змагацца за свабоду і суверэнітэт: створана Ліга Свабодных Нацый

Публічныя дыскусіі пра будучыню Расейскай Федэрацыі пасля заканчэння расейска-ўкраінскай вайны да гэтага часу звычайна вядуцца ў парадыгме «будучыня федэральнага цэнтра – гэта будучыня Расеі». Аднак спробы прадставіць патрэбы, праблемы і ўяўленні аб будучыні для жыхароў Масквы, Бураціі, Чачні, Башкартастана, Татарстана, Калмыкіі і іншых рэгіёнаў як нешта агульнае і цэласнае абсалютна няслушныя і контрпрадуктыўныя. Суб’екты федэрацыі, як і ўсе аўтахтонныя народы РФ, маюць поўнае права як удзельнічаць у абмеркаванні будучыні расейскіх тэрыторый, так і рэалізаваць сваё права на самавызначэнне. Менавіта з мэтай рэалізацыі карэннымі народамі і тэрыторыямі РФ права на самавызначэнне была створана Ліга Свабодных Нацый – гарызантальная сеткавая структура, якая аб’ядноўвае арганізацыі, рухі і асобных актывістаў, якія падзяляюць яе мэты і погляды.

Ліга Вольных Нацый ставіць перад сабой наступныя задачы:

– кансалідацыя антыімперскіх сіл;

– падрыхтоўка кадраў для дзяржаўнага будаўніцтва;

– пошук саюзнікаў на міжнароднай арэне;

– здабыццё рэальнага суверэнітэту суб’ектамі РФ;

– рэалізацыя права на самавызначэнне.

Светапоглядныя прынцыпы Лігі Свабодных Нацый:

1. Расейская Федэрацыя – гэта імперыя, якая сілай утрымлівае свае калоніі ў паднявольным становішчы. Вызваленне шляхам “правядзення рэферэндуму” немагчыма – як немагчымы рэферэндум “аб выкананні правоў чалавека” ва ўмовах дзяржаўнага тэрору.

2. Народы РФ павінны атрымаць магчымасць скарыстацца сваім правам на самавызначэнне. Далейшае стварэнне федэратыўных або канфедэратыўных саюзаў магчымае толькі на добраахвотнай аснове і без дыктату былога федэральнага цэнтра.

3. Усе суб’екты РФ маюць права самастойна вызначаць свой далейшы лёс.

4. Аб’яўляем прынцып “прэзумпцыі суб’ектнасці”. Адпаведна, з крахам дзейнага палітычнага рэжыму ў Расейскай Федэрацыі, рэгіёны не маюць патрэбы ў апеляванні да чаго-небудзь для надзялення іх суверэнітэтам. Усе рэгіёны па вызначэнні знаходзяць поўны суверэнітэт і поўную незалежнасць ад Масквы і ўжо тады, як вольныя тэрыторыі, вырашаюць сваю будучыню: ці жадаюць захаваць самастойнасць, аб’яднацца з іншымі рэгіёнамі і рэспублікамі, або ж стварыць канфедэрацыю дзяржаў.

Хто ўваходзіць у Лігу Вольных Нацый?

Уладзімір Даўданаў, Батыр Бармангаеў, Эрэнцэн Доляеў (калмыкі), Руслан Габасаў (башкір), Сырась Боляень і Віталь Рамашкін (эрзяне), Даржо Дугараў, Раджана Дугар-Дэ Понтэ (бураты), Рафіс Кашапаў (татарын), Вячаслаў . Таксама ў Лігу, на правах назіральнікаў, увайшлі актывісты інгушскага і якуцкага нацыянальных рухаў, а таксама малалікія народы Поўначы.

Як далучыцца да Лігі Свабодных Нацый?

Запоўніце анкету (яна мае ананімны рэжым для тых, хто не жадае прадстаўляцца) і чакайце зваротнай сувязі.