Category: Яңалыклар

Украинаның эрзя активистлары Мордовия авторы Борис Истляевның эрзя телендә язылган хикәяләреннән аудиокитап яздырып, интернетка элде.

Шимбә көнне Куштау шиханы тавы янында “Куштауның җанлы чылбыры” дигән чара узды. Чарада катнашырга дип республиканың төрле почмакларыннан йөзләрчә кеше килгән, дип яза “Азатлык Радиосы”.

Чабаксарның чуаш шагыйре Константин Иванов исемендәге бакчасында Явыз Иванга һәйкәл куйдылар. Урыс патшасының сыны ярты метр зурлыкта һәм ул пыяла тартма эченә урнаштырылган.

Осиново янында экология активистлары лагерена китерелгән техника.

Язучы, тарих фәннәре кандидаты, җәмәгать эшлеклесе Фәүзия Бәйрәмова бу көннәрдә Ырынбур төбәгендә Дәрдмәнд эзләре буенча йөреп, аның хөрмәтенә очрашулар уздырып кайтты.

Куштау шиханын якларга чакырып Кызыл мәйданда видео төшергән вакытта башкорт активистлары Рәмилә Сәетованы һәм аның хезмәттәшен полиция хезмәткәрләре тоткарлаган.

Активистлар хәбәр итүенчә, прокуратурага билгесез бер кеше шалтыратып, бинада “Башкорт” оешмасы җыела һәм ул экстремистлык эшчәнлеге алып бара дип хәбәр иткән.

Депутат Ркаил Зәйдулла Татарстан парламенты утырышында татар теленең аянычлы хәле, Русиядә милли телләргә карата барган басым, милли республикаларның нигезен җимерү тырышлыклары турында сөйләде.

Синҗан егете Шәһризат Шәүкәт миграция хезмәтенең аңа вакытлыча сыену бирүдән баш тартуын шикаять иткән иде. Мәхкәмә миграция хезмәте карарын кануни дип таныды. Элегрәк аның туганы Шаһдияргә дә шундый ук карар чыгарылган иде. Егетләр Кытайга тапшырылырга мөмкин.

“Башкорт” оешмасы активистлары 23 ноябрь Уфаның Спорт сарае каршында Куштау шиханын Сода ширкәтенә чиал алу өчен бирүгә каршы митинг уздырырга җыенган иде. Әлеге мәйданда башка чара оештырыла дип, хакимиятләр рөхсәт бирмәгән.

“Ачык университет” проектында укытуны 90 процент татар телендә оештыру максаты куелган. Бу хакта “Татар-информ” агентлыгында матбугат конференциясендә “Ачык университет” проекты җитәкчесе Айрат Фәйзрахманов әйтте.

6 ноябрьдә Казанның Ленин бакчасында Татарстан республикасы Конституциясе көненә багышланган митинг үтте.

АКШтагы татар активисты Камил Сукаев пикетка чыгып, Русиядән Татарстанга тулы суверенитет бирүне таләп итте, дип хәбәр итә “Азатлык Радиосы” редакциясе.

Чаллы татар милли хәрәкәтенең берничә активисты Русия Конституция мәхкәмәсенә шикаять юллады. Анда татар теленә һөҗүмнең дәвам итүе, милләтләрнең конституцион хокуклары кысылганда әлеге мәхкәмәнең битараф калуы турында языла.

Узган атнада Казанда татарча-урысча һәм урысча-татарча өр-яңа интернет-тәрҗемәчене тәкъдим иттеләр.