Ukraynanın demilitarizasiya və denazifikasiyası adı altında Rusiyanın “xüsusi hərbi əməliyyat” adı verdiyi dağıdıcı müharibə Sovet İttifaqının dağılmasından sonra formalaşmış, ancaq artıq zamanın tələblərinə cavab verməyən dünya düzənini dağıdaraq yeni dünya düzəninə keçidi başlatdı.

Rusiya xarici işlər naziri Sergey Lavrovun qrup yoldaşı Andranik Miqranyanla rus imperializminin qızğın təbliğatçısı Konstantin Zatulin 1997-ci ildə yazdıqları “MDB: tarixin başlanğıcı və ya sonu. Mərhələlərin dəyişdirilməsi” başlıqlı məqaləsində yer alan tezislər bir neçə ildən sonra Vladimir Putinin siyasətinin əsasını təşkil etməyə başladı. Ukraynaya hərbi müdaxilənin ideoloji əsası da həmin məqalə ilə qoyulmuşdu. “Rusiya üçün yaxın xaric təkcə onun təsir dairəsi deyil, çoxəsrlik təcrübə göstərir ki, Rusiyanın yaşaması və möhkəmlənməsi uğrunda mübarizə meydanıdır”.

Buryat milli hərəkatının nümayəndəsi Dorjo Duqarov Buryatiya xalqına və Buryat diasporuna müraciət edib.

Rusiya təcavüzkarı beynəlxalq humanitar hüququn qadağan etdiyi hərbi strategiya və taktikalardan istifadə edir, dinc əhalinin arxasında gizlənir və yaşayış məntəqələrində hərbi texnika yerləşdirir.