Эрзянь делегациять 8-це сембе масторонь финно-угрань конгрести молеманц колга

The author of the photo: Aivar Ruukel.

Лама пинге Инязорть сёрмас ашель карша вал. Аньцек Таллину ламонц пшкядематнень и гайфтематнень меле тя фондсь шарфтсь мяль сёрмать лангс. Азозь, што эрзянь делегаттнень конгресу кочкасыне «мокшэрзянь съездсь», кода ульсь и тяда инголе.

Ваномок тянь лангс, Старейшинань Пуромкссь и Инязорсь арьсихть тиемс марстонь заявления:

  1. Эрзятне – фкясь инь оцю эсь масторфтома финно-угрань народ. Минь башка нароттама, эсь кяленьконь, культураньконь, историяньконь и коеньконь мархта.
  2. Эрзятне аф лувсазь пряснон «мордвань» или лия народонь субъэтносокс. Лувсаськ «мордва» валть ярлыкокс, конань повфтазь лангозонк. Эрзянь позициясь народонь эсь лемдемать колга сёрматф Эрзянь народть официальнай лемонц колга декларациять эса, кона китькстафоль 23 мартста 1995-це кизоня эрзянь народонь конгресть эса.
  3. Эрзятнень, кода и ламонц лия масторонь юр эряй нароттнень, улихть эсь национальнай представительнай органцна. Инязорсь и Атянь Эземсь корхтайхть эрзятнень лемста и народъётконь пуромксса.
  4. Эрзянь национальнай молемась кочкась делегатт Конгрессти, мезть колга азфоль аноклайхненди официальнай сёрмаса.
  5. Миндеенк корхтайхть: эрзянь вайгельсь – тя россиянь чиновникне и бюджетонь ширьса покодихне, властень ала ащихне.
  6. Эрзятне – тя народ, а аф чиновниконь класс. Арьсетяма, аф эряви национальнай молемань позиять явондомс чиновникнень мархта. Инязорсь и Атянь Эземсь корхтайхть эрзянь народть эзда, а аф чиновниконь аппаратть или «Единая Россия» партиять эзда.

Пшкяттяма «Фенно-Угрия» фондти и финно-угрань конгрессонь комитетти эняльдема мархта: самс мяльс и азомс эрзянь народонь делегаттнень статусснон колга.

Кемокстаф Эрзя народонь Атянь Эземонь пуромксса

Нилеце решениясь 2020-це кизонь июнень 12-це шинь

Сыресь Боляень Инязорсь

admin

Leave a Reply