Мокшетне

Мокшетне: мазышись и перьфпялень шкаенди кемамась

Тя пингонь этнографияса мокшетнень, тяфта же кода и эрзятнень, лувсазь мордовиянь народть субъэтносокс. Но синць ломаттне аф марясазь эсь пряснон фкя этносокс. Аф ваномок лама кизонь марстонь эрямоснон лангс, нароттне пяк аердыхть фкя-фкянь эзда койса, шкаенди кемамаса, кялень эсьлацонь ширьса. Мокшетне стак и кирдьсазь национальнай юрснон, ванфтомок койхнень и атянь-атятнень лятфнемаснон.  

Лемсь

«Мокша» этнонимсь, конань эса народсь лемнезе эсь прянц кунардонь пингста сявомок, сась индоевропейскяй кяльхнень эзда. Арьсеви, што тя лемсь лиссь Мокша гидронимть эзда. Кда ваномс сяда крхкаста, няеви соткссь meksha санскритонь валть мархта, конань смузец – «утекать, проливать».

Коса эряйхть, кодама лувкссна

Васенце сёрматфкссне мокшетнень лувксснон коряс эвондасть 1926 кизонь лувомать меле. Тоза сувасть этносонь 392 400 представитель. Советскяй властть пингста мокшетнень и эрзятнень ушедсть пуропнема фкя народокс, сяс и эрявикс содамошит нароттнень лувксснон колга аш. 1989 кизонь лувомась няфтезе, што Мордовияса эрясть 180 000 мокшеда. А 2010 кизоня мокшекс эсь пряснон сёрматфтозь аньцек 4767 ломань. Показательхне кирьфтасть пропагандань политикать инкса, кона марстоптозень Мордовияса эряй кафта этноснень фкя народокс. Исследовательхне корхтайхть, што мокшеда тя пингть 300 000 ломань.

Мокша Мастор

Ламонц мокшетне эряйхть кунардонь модасост. Мокшень кой-кона ломаттне и диаспоратне эряйхть Россиянь тяфтама аймакса:

Саратовскяй обл.

Оренбургскяй обл.

Пензенскяй обл.

Рязанскяй обл.

Татарстан респ.

Московскяй обл.

Алтайскяй кр.

Тамбовскяй обл.

Исследовательхне тяшкстайхть башка субэтнос – мокшет-каратайхть. Этносонь тя группась эряй Камско-Устьинскяй аймакса Татарстан Республикаса. Этнографиянь исследовательхне 1958 к. тя аймакть эса лувсть 1 000 маласа представительда. А 1979 к. лувкссь кирьфтась 300 ломаньц, сяс мес ламотне тушендсть ошу.   

admin

Leave a Reply