Евросоюзсь сась мяльс нолдамс тевс Магнитскяйть актонц

Евросоюзонь масторонь иностраннай тефнень коряс министрхне састь мяльс нолдамс ломаттнень праваснон коламаснон инкса санкциянь режим (США-са Магнитскяйть актонц коряс).

Тянь колга сёрмады EUObserver. «Тячи ЕС-сь законодательнай уровеньца сась мяльс нолдамс ломаттнень праваснон коламаснон инкса санкцият», – азозе иностраннай тефнень коряс министрсь Стеф Блок.

Магнитскяйнь акттне покодихть США-са, Канадаса, Великобританияса и Балтиянь масторхнень эса. Санкциятне макссевихть иностранцатненди, конат аф ванфтсазь ломаттнень праваснон.

Санкциянь режимсь лемтьф Сергей Магнитскяйти – коррупциять мархта тюри россиянь активистти, кона кулось москунь СИЗО-са 2009-це кизоня.

«Политическяй соглашениясь», кона тяшкстаф Брюссельса, максови иностраннай тефнень коярс ЕС-нь Службати эрявикс юридическяй кагодонь анокламанди. Арьсеви, што тянди туй пялешка киза.

«ЕС-нь советти эряви официально мезевок тиемс. Тячиень решениясь – тя оцю аськолкс тя тевти», – азозе дипломатсь.

Магнитскяйть актоц тифоль декабрьста 2012-це кизоня США-са. Законть коряс, урядафоль Джексон-Вэникть сёрматфксоц и путневсть башка санкцият сятненди, кит аф вантыхть ломаттнень праваснон эса.

Законць лемтьф бизнесменть Сергей Магнитскяйть лемс, конань 2009-це кизоня сёлгозь Hermitage Capital Management фондть вятиенцты Уильям Браудерти налогонь аф пандомань лездомать инкса. 11 ковда меле Сергейсь кулось Следственнай изоляторонь пчкафтомань кудса Москуса.

Лятфтасаськ, 2019-це кизоня эрзянь инязорсь пшкядсь ПАСЕ-в максомс питне РФ-нь национальнай политикати. Боляень эняльдсь ломаттнень праваснон и юридическяй кизефкснень коряс Комиссияти ваномс обстоятельстватнень, конатнень видеса удмуртонь ученайсь Альберт Разин плхтазе эсь прянц, араламок удмуртонь кяльть.

admin

Leave a Reply