Атянь Эземть од решениянза: тифт информациянь и терминологиянь комиссиятне, кочкаф нациоальнай судсь

Atäń Ězemeń odt meĺssamotne

Пяденцяста, 12-це июньцта, ётась Атянь Эземть тя кизонь омбоце пуромксоц. Койсодайхне китькстасть мзярошка мяль, поладомок эрзянь национальнай молемань институализациять.

Арьсеф Эрзянь информациянь комиссия, кона кармай азондома эрзятненди и лия нароттненди Кирдиюрть вешфксонзон колга, а тяфта же содафтома лия нароттнень эрзянь национальнай молемань тефнень колга. Кочкаф комиссиянь оцюня – фкясь Украинань эрзянь диаспорать эзда. Васенце пуромкссь кочкафоль 14-це июньцта Инязорть Секретариатонц мархта. Тя пуромксть эса китькстафольхть сембе аськолксне Европань и США-нь масторхнень эса эрзянь информациять виелгадоманц колга. Тяконь видеса тяшкстафольхть ярмакне, конат максфт эрзянь общественно-политикань журналти, конань лангса Комиссиясь Инязорть секретариатонц мархта покоди ни.

Сяка пуромксть эса Атянь Эземсь пажезе Эрзянь терминологиянь комиссиять – экспертно-совещательнай куроть, конанди сувасть эрзянь кялень содайхне. Тя комиссиять вешфксоц – арьсемс и сувафтомс эрь шинь корхтамати эрзяь терминттнень, тиемс терминологиянь валкст и ваномс терминологиять эрь кодама ширде. Койсодайхне кочказь комиссиянь оцюнять – учёнайть, кона тяни Эрзянь Масторса, ушедозе ни кяльсодайхнень мархта комиссиять аськолксонзон колга корхтамать.

Тяфта же Атянь Эземсь кочказе национальнай судонь лувксть, ков сувасть колма эсь тевонь содай эрзяда, конатнень ули эрявикс образованиясна и покодема вастсна.

Атянь Эземсь сась мяльс аф азондомс тя ломаттнень лемснон (штоба каршезост афольхть уль эрь кодама репрессият), мзярос Эрзянь Масторса аф ладяви общественно-политическяй ситуациясь.

Мекольцекс, стрейшинатне ванозь Атянь Эземть и Инязорть марстонь пшкядемаснон. Корхтамась моли финно-угрань народонь сембе масторонь 8-це конгресть колга.

admin

Leave a Reply