Эстон президент марий-влак дене вашлийын

Эстон президент марий-влак дене вашлийын

Эстонийын президентше Керсти Кальюлайд шыжа тылзын 16-шо кечынже Родо тукым кечылаш толшо финн-угор-влак дене вашлийын. Тушто марий-влакат лийыныт.

Эстонийыште улшо финн-угор калык-влакын ушемыштыштын еҥышт парышдыме организацийын «Фенно-Угриа Тӧнеж» пашаеҥышт-влак дене пырля эстон президент деке унала коштыныт. Тидын нерге «Фенно-Угриа» шке Фейсбукыштыжо воза.

Уна-влак коклаште Родо-тукым кечылаш толшо кок марий мурызат лийыныт — тиде Полина Итальева ден Йорга Каче.

Ушештарена, кызыт Эстонийыште Родо-тукым арня да тыш унала моло финн-угор кундемла да элла гычат толыныт.

Мутлан таче, 18 шыжаште, марий, коми да одо муызыкчо-влак Тарту Литератур пӧртыштӧ концертым ончыктат. Эрла Эстон калык тоштерыште Финн-угор кече-влакын гала-концертше лиеш. Рушарнян тыгаяк кугу концерт Таллинныште эрта.

Тыге гын, Финн-угор родо-тукым кече-влак Эстонийыште октябрь тылзе мучко шуйнат.

MariUver

Фотосӱрет-влакым «Фенно-Угриан» Фейсбукшо гыч налме

Корреспондент

Leave a Reply