Пошкырт марий-влак кумалтышым эртареныт

11-ше августышто Кӱшыл Изяк ялыште (Пошкырт кундем Благовещенск район) кӱсотым почмо. Тышке Ӱпӧ ола гыч Марий Кумалтыш ушемын еҥже-влак, Янаул, Дюртюли, Краснокам районла гыч онаеҥже-влак, Озаҥ да Моско гыч уна-шамыч толыныт. Кумалтышым эрвел марий-влакын Тӱҥ Онаеҥже Геннадий Павлович Пастиев почын.

Кумалтыш деч ончыч “йыргешке ӱстел” погалтын. Тыште марий юмынйӱла шотышто ятыр йодышым лончылен налме. Мутлан, октябрь мучаште кумалтыш йӱла шотышто тунемме курсым почыт. Тугак марий карт-шамыч кӱсотым аралыме да нуным тӱткын аралыме посна спискыш пуртымо шотышто ойласеныт.

Кӱсото – тиде шнуй вер, тыште калык кумалеш. Ото-влак марий ял деч тора огыл кӱкшака верыште, шке шотан ужарге отро семын верланеныт. Кӱсото-шамыч 0,3-0,5 га кумдыкын айлат, а южо ик гектар марте улыт. Кажне шнуй отышто тӱҥ пушеҥге – Онапу уло. Тудын гочын Юмо-влак дене кылым кучат. Карт (Онаеҥ) марий тынын жрецше улеш. Картын полышкалышыже – ӱссӧ. Кумалтыш погын (община) погынымаш годым карт кугызам сайлат. Шукыж годым тудо 60 ий деч кугырак пӧръеҥ, марий йӱлам сайын палыше, пагалыме, чоклымо мутым тале йӱк дене ойлен кертше. Онаеҥ шочшо азалан лӱмым пуэн, сӱан годым самырык ешлан сугыньым товатлен, тойымаш годым колышым пытартыш корныш ужатен.

Шочмо Пошкырт (Башкортостан) кундемыште 105 тӱжем наре марий еҥ ила да пашам ышта. Нуно эрыкан марий калыкын шке шотан тале патырже-влак улыт.

Эрыкан Марий калыкын тале патырже – влак

admin

Leave a Reply