{"id":3205,"date":"2020-03-10T17:05:28","date_gmt":"2020-03-10T15:05:28","guid":{"rendered":"http:\/\/idel-ural.org\/?p=3205"},"modified":"2020-03-10T17:05:30","modified_gmt":"2020-03-10T15:05:30","slug":"konstitucijant-ods-sormadomas-imperijant-eramonzo-a-kuvalgavtsy","status":"publish","type":"post","link":"https:\/\/idel-ural.org\/myv\/archives\/konstitucijant-ods-sormadomas-imperijant-eramonzo-a-kuvalgavtsy\/","title":{"rendered":"Konstitucijant\u0301 ods s\u00f6rmadomas\u0301 Imperijant\u0301 \u011br\u00e4monzo a kuvalgavtsy"},"content":{"rendered":"

Putin kapši\npolavtoms Rossijań Federacijań Konstitucijant́.  Sonzě popravkatnede ěräza kortamotne,\nkarmavtymiź pškademe Rav –Ural respublikatneń ěricätneneń dy prävtněneń. Vit́kstatano,\nRossija de-fakto umok kodamojak a federacija. Ruzoń raśkent́ privelegijatne\nkemekstaź centrań dy regiontněń jutkojožotnesě (otnošenijatnesě).\nFederacijań subektně umok Moskovoń kolonijat.<\/p>\n\n\n\n\n\n\n\n

Vejkeś, meze kirdi net́ kolonijatneń tečiń\nkordontněsě, te resursněń neĺgemaś, dy tev -tov javšemaś. <\/p>\n\n\n\n

Moskovoś neĺgi\ndonor – regionoń savkstněń (dohodtněń), dy peĺkstněń tosto maksy, koda\nmerit́, «dotacijań regiontněneń». Tečiń Rossijań filosofijaś donortněń\něnäldycäks velävtomasont́! Ničšoeń lamoksteś kemekstě-sülmi federaĺnojt́\nsubvencijatnes.<\/p>\n\n\n\n

Teń pingstě\nKremläś izni kolonijań raśketneń identičnostent́. Minenek apak vizde\nmerit́: -tynk kuĺturank idema tevsěnt́ kadyk važodit́ syre babat. Dy vana\nazorkuĺturant́ turtov teeź skläń peškse tonavtomań cikl ruzoń keĺsě:\nějdepiret́, školat, gimnazijat dy universitett, teatrat dy kinot,\n«Rossotrudničestvo» dy «Russkij mir» parogoś…. Dy teń kisě pandy federaĺnoj\nbüdžetěś!<\/p>\n\n\n\n

Jalgat! «O\ngosudarstvoobrazujučšem narode» polavtovksont́ karšo türemaś, te türema\nvarmań jažav (meĺnicä) marto!  Te\ntürema ulems naŕgaź ansäk kavto čit́ targos koent́ kisě. Ulems naŕgaź\nvandy, ěli vandydemejle, tečiń tarkas. Minenk ěrävi türems a teń kisě. Miń\navoĺ uret́. Minenek ěrävi türems ěś oläčint́, kaštančint́, satomačint́ kisě!<\/p>\n\n\n\n

Miń karmavttano\nMoskovonteń putoms -kemekstams Konstitucijasont́ melemek:<\/p>\n\n\n\n

1.            Moda\nmastor raśkejutkoń meĺtopavtoma principtně – Prävt principt federacijasont́.<\/p>\n\n\n\n

2.            Raśkeń<\/a>\npolitičeskoj partijatneń registracijant́ odsto ušodomaś. Oläčiv kočkamo dy\noläčiv meĺjovtamo! <\/p>\n\n\n\n

3.            Federaĺnoj\nbüdžetěs maksomatne uleveĺt́ subektněń savksstněde kevetee procenttě a sede\nlamo.  <\/p>\n\n\n\n

4.            Velävtoms\nPrezidentěń statusont́ nacionaĺnoj respublikatneń Prävtněneń dy kemekstams\nKonstitucijasont́ respublikań Prezidentěnt́ dy deputattněń meĺtopavtoma\nstatusost.  <\/p>\n\n\n\n

5.            Maksom\nfederacijań subektněneń veto-meĺtopavtomant́, zärdo kortamoś moli synst\ninterestněde respublikasont́ dy lija mastortněvajak. Maksoms respublikatneneń\nmeĺtopavtoma ěstest arsems dy sakšnoms meĺs, kodamo mastor marto, koda pränt́\nvetäms, koda važodems, koda dy meze mikšnems-ramsems. Oläčisě saems peĺks\nraśkejutkoń organizacijatneń važodemasont́.<\/p>\n\n\n\n

6.            Territoriaĺnojt́\nušman vień teema, koso uredeveĺt́ Respublikaso ěricätne.     Nacionaĺnostent́, partijnostent́,\nsociaĺnoj statusont́, kortamo kelent́ dy kememant́ lang apak vano!  <\/p>\n\n\n\n

7.            Net́\nušman formirovanijatneń tortinges kučomaś merevi ansäk sestě, zärdo\nfederacijań subektěś a karšo. <\/p>\n\n\n\n

8.            Maksoms\ntiriń keĺtneneń respublikatnesě tevvetämoń prioritetěń statusont́. Ruzoń\nkeleś – raśkejutkoń kortamo keĺ.<\/p>\n\n\n\n

9.            Kemekstams\ntonavtomań cikl, koso vese disciplinatne, predmettně maksovit́ respublikatneń\nkirdij<\/a> keĺtnesě. Federacijań subektněń kirdij<\/a> keĺtne tonavtovit́ vese\nškolatnesě, konat ulit́ respublikań territorijasont́, kie azoroś auĺ ule:\nvasence klasstont́ dy školań prädomas.<\/p>\n\n\n\n

10.          \nFederacijań subektně synś vetit́ ěś gumanitarnoj politikant́. Tonavtomačiń,\nojmejaltoń kastomań, kuĺturań kevkstematnes Moskovont́ sovamoś kardaź.<\/p>\n\n\n\n

Miń terdtäno federaĺnoj centrant́ dialogoń\nvetämos, minek sonzě immitacijaś a ěrävi. \nKonstitucijant́ Putiněń meĺsě ods sörmadomaś kuvalgavty Putiněń\nkirdivient́, ansäk a kuvalgavtsy Rossijań Federacijań ěrämont́.  <\/p>\n