{"id":2762,"date":"2019-12-29T18:18:36","date_gmt":"2019-12-29T16:18:36","guid":{"rendered":"http:\/\/idel-ural.org\/?p=2762"},"modified":"2019-12-29T18:18:45","modified_gmt":"2019-12-29T16:18:45","slug":"ledajkin-erzas-dy-sonze-potomkinen-mordvan-velenze","status":"publish","type":"post","link":"https:\/\/idel-ural.org\/myv\/archives\/ledajkin-erzas-dy-sonze-potomkinen-mordvan-velenze\/","title":{"rendered":"Led\u00e4jkin \u00ab\u011brz\u00e4s\u0301\u00bb dy sonz\u011b pot\u00f6mkin\u011bn\u0301 mordvan\u0301 velenz\u011b\u2026"},"content":{"rendered":"

Aumok vanyń\n«Sijažar» noldavkssontt́ Evgenij Ledäjkiněń interv́ju, konań saize peĺdenzě\nOĺga Černova korrespondentěś. <\/p>\n\n\n\n\n\n\n\n

Kortnemaś moĺś Parynzěle, Alo Parynz\nVele dy Buzajov veletneń veĺmavtomadont́. <\/p>\n\n\n\n

Te teventeń Evgenij Ledäjkinněń\nkirdivieś makś «grant», jarmakt. Vasnäjak peĺmillion celkovojt́, dy meĺgast\nmillion dy peĺ. Koda son jovtaś – jarmaktně a višińkat!<\/p>\n\n\n\n

Ve jondo te pek\nparo teveś, net́ ušodomatneneń ěrävi kenärdoms: Kuĺturań Kudont́\nrestavracija, muzej, «pokštäń ězem» (mejś avoĺ Atäń – ěź čaŕkodeve),\nulit́ lijat proektnějak, dy teneń ěrävoĺ kenärdovoms!  Ansäk, kadovś kevkstemaś: -kov veti te\něräza ajgemaś? Teveś, kona baškavtoź realijatnede.<\/p>\n\n\n\n

Kortamsto E. Ledäjkin vest́kak ězize\nlectä keleń problemant́, kodat tevtne sonzě tonavtomasont́ Parynzelesě? Meze\nson arsi keleń iznicä Putiněń iniciativadont́, konadont́ mejle ěrzäń kelent́\ntonavtomaś, videstě merems, prädovś?<\/p>\n\n\n\n

Net́ kevkstematne a sonzě turtov.<\/p>\n\n\n\n

Son peverdi «nasledie, selo, muzej,\ngrant, Putin i ego vnimanie, nas uslyšali v Moskve…» dy sedetovgak.<\/p>\n\n\n\n

A monem lectävst́ Inäzoront́\nvalonzo:  -«…Teči ěrzäń keleś, natoj\nbuti kirdivieś lotkavtsy iznämonzo, jomi sonś, buti a ušodoms sonzě\nveĺmavtomant́ – reanimacijant́»!<\/p>\n\n\n\n

Buti teči a ušodoms ěś tiriń kelent́\nveĺmavtomanzo, vandy son jomi! Meĺganzo raśkeśkak!<\/p>\n\n\n\n

Meze teči\nidesazo raśkent́? Muzej Parynzelesě? Velent́ «istorijagrafijazo»? «…vanstoms\nkastoms veletneń»? ěli ěrzäń kelenteń tonavtomaś ějkakš piretnestě,\nškolatnesě dy universitets? «Dobrovoĺnoe izučenie», ěli Saran ošso ěrzäń\ngimnazijań panžomaś? Ěrzäń gimnazijant́, avoĺ «mordvań», koso vese\ndisciplinatne vetävit́ tiriń keĺsě! Rusifikacijaś, konań pezě araś, ěli\nkarmavtomaś činovniktneń kortams ěrzäks? <\/p>\n\n\n\n

Veńksěś ukšny langa.<\/p>\n\n\n\n

Seks\nkevkstemaś! A kodamo tökšmeleś E. Ledäjkiněń «Dom tradicij» ěli «Novoe selo»\nproektněń? Paro, jarmaktně jutavtovit́, veletne stävtovit́, ansäk, kie toso\nkarmi ěrämo, tov sakšnomo? Kosto saevit́ ěrzätne? Syretne kulyt́ a odtněneń\navoĺ kosto saevems!  Nama, paräk uzbekt,\nkitaect, ruzt karmiit sakšnomo dy vankšnomo kurgoń avteź, koda ěrzätne\n«parste ěrit́»!<\/p>\n\n\n\n

Buti net́ proektněń peŕka uleveĺt́\nkeleń dy tiriń vanstamoń proekt –sestě čaŕkodevi. Ansäk syń arast́! <\/p>\n\n\n\n

Miń nejtäno,\nkoda šoždasto, kirdivieś maksy pokšt jarmakt istät «fasadnojt́» proektněń\nlangs, ěŕva kodat «sezděs», festivaĺs, Rav lejga ukšnomas, tysäčeletijas….\nAnsäk, kopejkajak a maksy ěrzäń raśkeń<\/a> veĺmavtomanteń dy vanstomanteń.<\/p>\n\n\n\n

Mejś? Dy te čaŕkodevi. Ěrzätne\nveĺmit́ dy karmit́ pšti kevkstemaso säldomo! Raśkeń<\/a> meĺtopavtomatnede.\nOläčident́! Ěśkojsě ěrämo meĺdent́!  Te\nkirdivientneń ěrävi?<\/p>\n\n\n\n

Moskovonteń dy «mordvatneneń» pek\nvečkevi te ěrzäń raśkeń<\/a> anabiozoś. Seks son škań –škań jorty jaslätnes mezejak  udomosavtycä: – Grant, prazdnikt́!<\/p>\n\n\n\n

Veleń ěricätne,\nnama a vese, šnyt́ E. Ledäjkiněń! Son anoksty dy jutavty vasstomat, čokšnet́…,\nkozoń sakšnyt́ syre lomant́. Ansäk net́ lomatne, syrečist kuvalt a pek arsit́\nsy škadont́, vandydent́! Meĺgast molicätneń araśčident́. <\/p>\n\n\n\n

Mon arsän E. Ledäjkin parste čaŕkudi:-\nperspektivaś tesě kodamojak araś, ansäk važodi.  Vžodi, dy vana mezeks. Te «važodemasontt́»,\nkirdivieś, urenzě marto, vikšni mazyj tüsso artovks ěrzäń ěrämodont́. Nevti,\nkoda ěräzasto moli vejsě važodemaś. Kelät, vanodo –vese parste ěrzätneń!!! <\/p>\n\n\n\n

Teń pingstě\nkelenteń tonavtomant́ noldams a pek staka. \nVana meze sörmady A. Levitskaja –«… tonavtoms ěrzäń, ruzoń dy anglań\nkelent́ vasence klasstont́….. polikuĺturnoj školań modeleś». Sede tov polady\n«… kodatkak korodomat lomatneneń ěś kelenteń, kuĺturanteń, ěrämopingetneń\ntonavtnemasont́ a ěrävit́ dy a uleveĺt́kak…»<\/p>\n\n\n\n

Nama, tede\nparste sody E. Ledäjkingak!<\/p>\n\n\n\n

Uli lijatajak video. Alo Parynz Velede. Koso Marija\nKočetova korrespondentěś korty velesěnt́ ěrämodont́ Sergej Aduškin marto.\nKorty tragedijado. Školaś veteška iet́ koda pekstaź. Tonavtnicätneń usksit́\nškolav šabra veles. Odlomant́ arast́, syretnejak kortyt́ ěrzäń dy ruzoń\nvaltněń čovoräź!  <\/p>\n\n\n\n

Marija snartneś\nmoravtoms ěrzäń veleń ěricätneń, sede mažornojks jovtnemant́ velävtoms, dy\nvaltně stuvtovst́ dy savś putoms fiĺmanteń častuškat. Ruzoks! Te vese\nnejavś nusmanäks, dy kajś ojmesěnt́ pokordamo mazyj, takoli, velent́ dä ěrzätneń\nkisě.<\/p>\n\n\n\n

Vana kozoń\něrävoĺ putoms vijtneń dä «grantněń» činäz Ledäjkin!<\/p>\n\n\n\n

Avoĺ vasstoma\nkudot kepedems, a kavto kolmo klasst panžoms ěrzäń, dy tonavtycä sivedems\nějkakštněneń! <\/p>\n\n\n\n

Ansäk teń langs\njarmakt a maksyt́, dy ton tede pek parste sodat.<\/p>\n\n\n\n

Vešems tede kirdivient́ te «isportit́ otnošenija»\nmartonzo! Pitnev teveś, sede tov jarmakt kodatkak a nejat! Ěrzäń školanteń,\nklasstněneń «Novoe selo» proektěś a ěrävi. Te velenteń ěrävit́ ěricät. Seks\nkadovit́ net́ tont́ vese proektně kuloźčačtaź proektěks. <\/p>\n\n\n\n

Putin muś\ntakodat «pečšernojt́ rusofobt», konat, kelä iznit́ ruzoń kelent́. <\/p>\n\n\n\n

A koda vana\nlemdäms setneń, kit́, alamodo a pezěnzě, izniź, kulovtyź tiriń kelent́ dy\něrzäń raśkent́?<\/p>\n\n\n\n

Ton sodasy synst\nlemest, Evgenij? Jovty vajgeĺsě! <\/p>\n\n\n\n

A jovtasy. Tyń\nvejsě. Tynk tevenk vejsěń. Anokstatado proekt «Novoe kladbičše» kozoń karmi\nkalmaź ěrzäń raśkeś! <\/p>\n\n\n\n

Jogań Mińka – Krasnojarsk oš<\/strong><\/em><\/p>\n