Oyme moramokuront́ kočkiź sodavikc IMA premijań nominantoks

«Yehy Vaya» Serž Bulatoń moroś (angl. Serge Bulat), vejsěń proektso sodaviks Oyme (Ojme) — ěrzäń dy mokšoń keĺsě moramokužoń marto karmast́ Amerikań sodaviks IMA premijań nominantoks Independent Music Awards — «Baška ašticä muzykaĺnoj premijaś». Nominacijaś — kištemań ělektronikaś (angl. Dance/Electronica).

«Yehy Vaya» trekeś karmaś vasence vejsěń teveks, son sovaś S. Bulatoń «Wurmenai» aĺboms, konaś noldazeĺ 2020 ień ějzürkovsto.

Oyme (Ojme) moramokužoń baška aĺboms sovit́ lija raśkeń muzykantt, istät koda Pavel Vit, Miriam Garsija, Kassandra Da Kuńja, Rumbo Tumba, Nino Ěrrera. Divaks marävi, ansäk aĺbomonteń istä žo sovavtoź «Wurroom» videonalksema. Te innovacijań koräs teeź nalksemaś maksy noldams muzykant́ tevs od interaktiveń luvso.

Trekeś kunsolovi SoundCloud, YouTube dy lija pokš cifrań platforma langso.

Premijaś jutavtovi ěŕva iestě, tedede juty 18 kirda 2001 iestě saeź. Koeń koräs premijań maksomaś juty Ńju-Jorkso, ansäk tedede COVID-19 ormań kuvalt jutavtomaś karmi on-lajn formatso. Artistry. Diversity. Excellence (Artistizma, Ěŕvakodamoči. Parste teema. — premijań valpačtämoś angl. Artistry. Diversity. Excellence).

Premijaś altavi oläčiń, baška ašticä sedicäń turtov vese mastorksont́ langsto. IMA premijaś sodavi ěŕva kodamo ombomastoroń kreativeń muzykaneń ěś melenzě javovomań koräs. Nominantně kočksevit́ ěś sedämoń koräs: moroń, trekeń, aĺbomoń dy videoń kuvalt.

2020 ień nominantoks sovast́ (uĺnest́ lomant́ 73 mastorsto 6 kontinentstě, malava 400 peĺkstycät): Lüsinda Uiĺjams (angl. Lucinda Williams), Stiven Van Zandt (angl. Steven Van Zandt), Džessi Malin (angl. Jesse Malin), Jonatha Bruk (angl. Jonatha Brooke), Heilung, Sof́ja Rej & JC Maillard (angl. Sofía Rei & JC Maillard), Sojer Frederiks (angl. Sawyer Fredericks), Džejk La Botc (angl. Jake La Botz), Vuter Kellerman (angl. Wouter Kellerman), Gaj Šejman (angl. Guy Scheiman), The Dollyrots and Storry dy lijat.

Tedede peĺkstamoń žürisě: Tom Uějts dy Kětlin Brennan, Robert Smit, Ziggi Marli, Džo Satriani, Drowning Pool, KT Tunstall, Walk the Moon, Džon Petručči, Roberta Flěk, Valentino Arteaga i Aaron Poli (Of Mice & Men), Kulio, Di Snajder, Džoui Sant́jago, Kris Franc, Skott Brědli, Bet Gibbons, Rěndi Bahman, Džeki Velaskes, Karl Palmer, Džon Těš, Ajzek Brok, Bowling for Soup, Frěnsis Hili, Ksav́e Radd, The Cardigans, Džošua Bell, JD Samson, Glorija Gejnor, Boyce Avenue, Sisi Peniston, Billi Graziadej, Mik Raĺfs, Li Perri, Hezer Nova, Roman Mirošničenko dy šou-biznessě ašticät.

Lija ientnestě iznicäks uĺnest́: Killer Majk, …And You Will Know Us by the Trail of Dead, Flying Lotus, Mějsi Grěj, Five Finger Death Punch, Esprit D’Air, Riv Karni, Árstíðir, Kobi Arad, Beyond Creation, Džuliana Hětfild.

Serž Bulat čačś Moldavijaso, 2009 iestě tuś ěrämo Amerikav, koso poladyze muzykań kaŕerant́. Serž javi meĺ ělektronoń dy avangardoń muzykanteń, son sodaviks ěsenzě «Queuelbum» aĺmbomonzo kuvalt, konaś IMAń melenzě koräs lovozeĺ «Sehte vadrä Ělektronoń muzykań Aĺbomoks 2016», tede baška sodavi ěś «Third World Walker» proektonzo koräs. Serž istäžo javi meĺ vizualoń installäcijatnes, istät proektonzo topavtozeĺt́ Velikobritanijaso, Argentinaso, Italijaso, Saudovskoj Aravijaso dy: SŠAso.

Oyme (Ojme) — te foĺkloroń moramokužoś, konant́ škinemazo ašti finněń-ugrań moramokuĺturań juroso, kužoś morsi ěrzäń, mokšoń, vengrań morot. Kužoś sodavi ěś muzykań proektt koräs sodaviks Deep Forest gruppant́ marto, sval jaksekšny muzykań festivaĺga.

Peĺkstamonteń uĺneś noldaź «Yehy Vaya» trekeś, konant́ jurso ašti kezěreń ěrzäń venčamoń moro. Tede ikele te moront́ kuvalt OYME (Ojme) snimazeĺ klip, konaś KlipFEST 2017 festivaĺsě iznäś istämo nominacijaso, koda Sehte vadrä hudožestvań koräs terävtoma («Best Artistic Solution»), (iznicä), Sehte vadrä tejteŕavań nalksema (iznicä), Sehte vadrä nalksemań koräs kinoś.

Kužont́ prävtmorycäś — Eževika Spirkina. Son avoĺ ansäk muzykant, son tede baška ětnomuzykolog, ěrzätneń dy mokšotneń jonov ěkspedicijań teicäś dy jutavtycäś. Purnaź materialont́ koräs uĺneś noldaź «Štatol» (erz. «Candle») aĺbomoś. Vese morotne aštit́ koda ěrävi klassifikacijań koräs.

Vaija, Vikikulätnes