Lomaneń sörmalemaś – te minek melenek jovtamoś, minek plebiscyteś

Ožokovoń 15 čistěnt́ ušodovi Rossija Mastoront́ keleva jutavtovicä lomaneń sörmalemaś. Cikatneń turtov son ansäk statistika. Lija raśketneń turtov – te pek čurosto ěrsicä ška, zärdo synst uli škast-viest javolävtoms ěstedest: “Minek raśkent́ uli sy škazo.”

Raśkeń koräs politikaś, konatań veti Moskovoś, ěś ked́ alo matravicä modatneń langso, a kady mezejak, meześ kastovoĺ-kemekstavoĺ lija raśketneń. Mik istät pokš raśketne, koda tatartně, konatneń uli ěsest raśkemastorost Rosssijań Federacijasont́, jala sede alamo kortyt́ vienzamodo-kasomado, teveń vetämoń kelejgavtomado. Teń tarkas syń nej kortyt́ ěś präń idemado, tüšumbars kaladomado idemado (ěś raśkeń raśkemastortněń maštomado, tiriń keĺsě tonavtomant́ maštomado, raśkent́ ruzyjavtomado dy pede pes istožamodo).

Videstě kortaź, RF-ń vese kezěreń raśketneń ajgematne ěś programmast jovtyt́ kolmo valso – koda a jomams.

Te raśkeń jomamont́ karšo turemasont́, škaś nalksi imperijant́ jono. Minek jono ansäk minek ojmevienek, a pelemanok dy lavtovsto lavtovs aštemanok.

Lomaneń sörmalemaś – pek pitnej-ěräviks tev. Son mik kočkamotnesě vajgeleń maksomadont́ sede pitnej. Raśketneneń meleń javomaś-putomaś – vit́stě ašti, kodamo te raśkent́ lamoksčizě. Sekskak terdtäno Ideĺ-Uraloń avalomantneń, cöralomantneń: ěrzätneń, mokšotneń, vet́ketneń, maritneń, udmurtněń, tatartněń, baškirtněń – sörmadynk ěś pränk ěś raśkeń lemsě. Ilädo vizde, ilädo pele videstě nevtems dy sörmadoms ěś raśkelemenk!

Kadyk mik toń ulit́ pek vasoloń türkań ěli finněń-ugrań undoksont (pokštät, ěli pokštäń pokštät) – jalateke sörmadyk prät synst raśkelemsěst. Te a karmi vešeme peĺdet́ pokš vijt́, dy jalateke – pek ěräviks tev ěś raśkeń vanstoma tevsěnt́, ruzoń ineved́sěnt́ a maksoms sonzě vajavtomanzo. Te teveś maksy nevtems ěś pokštätneneń meleń vanomant́, maksoms vijt́ kočkams sede paro ucäska ěś raśket́ turtov, ěś ějkakšot-nućkat turtov.

RF-ń keleva jutavtovicä lomaneń sörmalemaś – te minek meleń jovtamo, minek plebiscytěś. Javolävtyk ěś melet́ ěstedet́ dy ěś raśkedet́!

admin

1 comment so far

Михаил Posted on22:05 - 07.10.2021

Парсте сёрмадозь! Эрзят, минь весе сёрмасынек эсенек прянок ансяк эрзякс, ансяк ЭРЗЯ!!!

Leave a Reply