Ěrzäń odt audiojovtnematne učovst́ kunsolycätnenen

«Ěrzäń Val», ukrainań ěrzätneń raśkekuroś, topavtyze altamonzo. Anokstyze dy sörmadyze studijaso Boris Istläeveń jovtnemanzo marto audioknigant́. Pusmosont́ ěrzäń avtoront́ nile jovnnemanzo!

Boris Egorovič Istläev. Ěrzäń lomań. Čačś 1928 ce iestěnt́ «Novaja Täglovka», Kočkur bueń velesěnt́. Te velesěnt́ jutavtyze vese ěrämonzo. Tukšnoś ansäk vest́, zärdo kenkšezěnzě vačkodś tortinges. Velävtś tosto 1950 iestěnt́. Velesěnt́ učoś sonzě Marija Rangaeva tejtereś. Uŕvakst́, kastast́ kemeń ějdet́! Ěrämost pert́ važodst́ apak lotkse. Škaś uĺneś a šožda. Teń langs apak vano Boris Egorovič kenerkšneś moramo, sedäś garmonijaso dy balalajkaso, dy sermaleś nuŕkine jovtnemat. Sörmadś dy kučnoś Kočkurbueń «Zarä» kulälopanteń. Teči sörmadycäś a martonok. Sörmali, paräk, sěrdätneń jutkso, tona jono, umaŕpiresě…

Listen to “Boris Istläev. Koda Kulä nuzäks Mikitań tonavtyze” on Spreaker.

Teči sonzě sörmadovksonzo lovny nućkazo, Bajagine. Mazyj dy prevej ěrzäń tejtereś.

Nama, miń avoĺ diktort, avoĺ aktert, važodtäno volonteroń kojsě… Koda mašttano.

Kunsolodo vasence sörmadovksont́. «Koda Kulä nuzäks Mikitań tonavtyze»!