Boläeń Syreś vasstovś Kaimo Kuusk, Ěstěń mastoroń Ukrainaso posolont́, marto

Inäzoroś vasstovś Kaimo Kuusk, Ěstěń mastoroń Ukrainaso Črezvyčajnoj dy Polnomočnoj posolont́ marto.

Aštemkovoń vasence čistěnt́ Boläeń Syreś dy Čepeleń Miträj, vejkeś kieveń ěrzätnede, vasstovst́ Ěstěń Mastoroń posoĺstvaso Kaimo Kuusk, Ěstěń Mastoroń posolont́, marto. Kavto jonkstně kortast́ ěstěń-ěrzäń sülmavkstněde dy, ěrzäń keleń vanstomga, vejsě važodemadont́, ěrzäń kuĺturado sodamočisěnt́ Inealtymań peštämodont́ dy ěrzä raśkeń kočkavicä kurotneń ěstěń naukadejtneń  dy pedagogtněń marto sülmamodont́.

 «Vasstomaś jutaś teke umoń jalgań. Moneń pek tuś melezěń avoĺ ansäk inžeks minek lovomaś, dy, tede baška, kortamsto minek meĺvannomaś. Kortamoś moĺś čassto sede kuvat́. Miń kenerinek teškstams minek vejsě važodemań jonkstněń, jovtams melemek sede, koda ěri teči Rossijań Federacijasont́ ěrzäń raśkeś, dy avoĺ ansäk ěrzänseś. Mon jovtniń posolonteń Rossijań Federacijań tökšmeĺdent́ iznäms pezěnzě minek raśkent́. Minenek kardaź ěś raśkeń partijatneń teemaś, ěrzäń keĺsě tonavtnemaś. Ěrzäń keleś a putovi tevs kirdij tevtnesě. Tonavtyt́ ěrzäń kelenteń ansäk vejke-kavto čast targostont́, tejak fakuĺtativeks. Net́ uslojtnesě ějkakšněneń ěrzäń keleś a tonavtnevi, dy teči lamot a čaŕkodit́ kelent́ dy a maštyt́ sörmadomojak ěrzäks» – jovtni Boläeń Syreś vasstomadont́. 

Inžetne kaziź posolonteń «ĚRZÄŃ VAL» žurnaloń vasence nomerěnt́, ěrzäń tešksketneń dy jovtnest́  kodat tevt́ -proektt anokstyt́ 2021-ce iestěnt́.

Inäzoroś jovtnize kodamo pitne ěrzätne putst́ Inäzoroń OONoń sval važodicä komsece forumsont́ kortamonteń. Boläeń Syreś dy Kaimo Kuusk kortast́ Vesemodamastoroń finougrań Kongresstěnt́ dy sede, kodat problemat stäst́ ěrzäń delegacijant́ ikele Kongressěv molemań anokstamstont́.

 «Kortynek avoĺ ansäk problematnede, konat aštit́ fino-ugrań ajgemant́ ikele. Miń jovtninek posolonteń sede, koda ukrainań «Komu vniz» moramo kuroś moryze «Tüštäneń pškadema» ěrzäń moront́ ěrzäks dy sede, koda miń sörmadtano audioknigat ěrzäks. Ějokakštněń turtov audioknigatne pek tust́ posolont́ medlezěnzě. Son altaś lezdams minenek sülmavoms set́ ěstěń universitettněń marto, konat važodit́ finno-ugoristikań temaso. Tede kortaź miń terdinek ěstěń jonksont́ saems peĺks konferencijasont́ konań miń anokstatano dy kona altaź ěrzäń problematneń vitnemanteń. Tede baška miń ěnäldynek lezdams minenek ěrzäń ěrämopingedent́ sodamočitneń iskuvamsont́, a samaj Purgaz Inäzoroń škatnede» – jovtni Čepeleń Miträj, vejkeś kieveń ěrzätnede.