Удмуртиянь маритне казезь Альберт Разинть премияса

7-це декабрьста Ижкаронь Народонь Ялгаксшинь Кудса ётась Удмуртияса эряй маритнень национально-культурнай автономияснон отчётно-выборнай пуромкссна.

Пингстонза азозь, што Альберт Разинти максови Илья Токмурзин-Ломберскяйть лемса казне, китькстазе MariUver сайтсь.

Пуромксса тяфта же корхтасть автономиять, вятиенц и ревизионнай комиссиять покодемаснон колга.

Тяконь видеса кочкасть делегатт Мари ломаттнень сай пуромксозост, кона ётай апрельста 2020-це кизоня. Тяфта же кочкасть Удмуртонь маритнень эзда делегат, кона туй финно-угрань народонь сембе масторонь конгрести Тартув.

Пуромксса азозь, кие арай Илья Токмурзин-Ломберскяйть лемса премиянь лауреатокс. Казезь Разин Альберт Алексеевичть общественнай премияса 2019-це кизоть инкса – Удмуртияса родной кяльть, коень религиять ванфтомаснонды оцю путфксонкса – куломада меле. Тянь колга азозь Удмуртияса эряй маритнень национально-культурнай автономияса.

Аделавсь пуромкссь маринь морайхнень и коллектифнень отчётнай концертсост.

Удмуртияса эряй маритнень национально-культурнай автономиясна тифоль 2013-це кизоня Удмуртияса маринь культурать ванфтоманкса и касфтоманкса. Тя пуромксонь активисттне тиендихть маринь коень илат и фествиальхть, арьсихть маринь шкаень налть (рощать) ванфтоманц коряс проектт.
10 сентябрьста Удмуртиять пряошсонза плхтазе эсь прянц ученайсь Альберт Разинць. Сон тердсь ванфтомсудмуртиянь нациять и кяльть. Январьста 2019 к. Европань Советть национальнай меньшинстватнень араламаснон коряс Рамочнай конвенциянь Консультативнай комитетсь апряказе Россиять национальнай политикать инкса. Эксперттне няфтезь пичедемаснон рузонь кяльть касы доминированиянц инкса, сяка пингть кода национальнай меньшинствань кяльхе аф вановихть ёфси.

2019-це кизоня майста европань национальнай меньшинствань федералистскяй пуромкссь (FUEN) пшкядсь Россиянь образованиянь министрти ваномс одукс национальнай кяльхнень факультативнай тонафнемаснон колга кизефксть. Тяфта, FUEN сявозе мяльс и «Воляшинь Рав-Уралть» 17-це октябрьста 2018-це кизонь Рав-Уралонь ломаттнень родной кяльса тонафнемать коряс правань аф ванфтомать колга сёрмадомаснон.