Шыже кумалтыш-влак тӱҥалыныт

Шыже кумалтыш-влак тӱҥалыныт

Тений Марий Элыште тӱня кумалтыш 3 ноябрьыште У Торъял район Саваран отышто лиеш. Шыже кумалтыш кушто да кунам эрташ тӱҥалме дене Марий юмыйӱла ушем палдарен:

29 сентябрь – Советский район Яҥгранур, Пибахтин почиҥга, Шуймучаш, Кукмарий, Ваштаршӱ ял-влакын кумалтышышт эртен;

3 октябрь – Советский район Кугунур ял,

6 октябрь – Советский район Кундышӱмбал ял, Марий Турек район Кӱшыл Турек, Йошкар-Ола, Пошкырт кундем Янаул район Комбо ял, Моско ола, Угарман кундем Тоншай район Ошкаты ото, Советский район Тапшер кундемыште 3 тулолмо дене мер кумалтыш.

13 октябрь – Марий Турек район Турек Суртан, Кужэҥер район Шинур ял кумалтыш-влак.

27 октябрь – Марий Турек район Кӱшыл Мосара ял, Кужэҥер район Эҥервал кӱсотылашке кумалаш лектыт.

29 октябрь – Кужэҥер район Шойдӱҥ ото.

3 ноябрь – У Торъял район Саваран отышто Тӱня кумалтыш, Марий Турек район Арбор кундем.

Марий юмыйӱла ушемын секретарьже Галина Ласточкинан палемдымыж почеш, ты радамыш пуртымо кумалтыш шотышто ешартыш увер лиеш.

Светлана Носован 2019 ий 27-ше сентябрьысе 69 (25091) №
«Марий Эл» газетыште савыктыме уверже негызеш

Фото: Сергей Таныгин «Ош куэр. Шнуй ото»

Корреспондент

Leave a Reply